कोचिला अध्यक्षमा त्रिनारायण राजवंशी : तेह्रथुम अध्यक्षमा दिलबहादुर सोदेम्बा

 लिम्बुवान न्युज
                       


दमक, १२ मंसिर । नागरिक उन्मुक्ति पार्टी (एकीकृत) कोचिला राष्ट्रिय समितिको प्रथम भेला सम्पन्न भएको छ । शनिबार मोरङ्को रंगेलीस्थित होटल मेरिनाको सभाहलमा भएको प्रथम भेलाले त्रिनायारण राजवंशीको अध्यक्षतामा समिति गठन गरेको हो ।

पार्टीका केन्द्रीय उपाध्यक्ष इन्दीरा मेन्याङ्बोको प्रमुख आतिथ्यतामा सम्पन्न उक्त भेलाले उपाध्यक्षहरुमा योगेन्द्र राजवंशी, दुखाराम माझी, मुख्य सचिवमा कृष्ण चौधरी, सचिवहरुमा छबिलाल राजवंशी र श्री तेज नारायण राजवंशी चयन भएका छन् ।

त्यसैगरी समितिको सदस्यहरु हरि चौधरी (झापा), राम बहादुर राजवंशी (मोरङ), तारा राजवंशी (झापा), गिता चौधरी (सुनसरी), नारायण महतो (मोरङ), दिनेश राजवंशी, कुसेशोर राजवंशी, राज राजवंशी र सन्तोष राजवंशी सहित १५ सदस्यीय तदर्थ समिति गठन भएको छ ।
कार्यक्रममा केन्द्रीय सचिवद्वय भबिराज तुम्सा, चन्द्र किमार चौधरी, सह–सचिव पदम अधिकारी, केन्द्रीय सचिवालयहरु धन बहादुर पन्धाक, दामोदर पाण्डे, के स लिम्बुवान प्रान्तिय समितिका अध्यक्ष भूपेन्द्र माबो, राजेन्द्र दाहाल, पदम चेन्जी माबो, नन्द याम्फु लगायत नेताहरुको उपस्थिति रहेको थियो ।

भेलामा बोल्दै नेताहरुले पहिचान बिहिन प्रदेश १ को नाम कोशी खारेज गरि लिम्बुवान, किरात खम्बुवानको साझा पहिचानमा कोचिला सहित धिमाल लगायत पहिचानको अपनत्व हुने गरी प्रदेशको नाम पुनःनामाकरण गर्न संयुक्त आन्दोलनको बिकल्प छैन भन्दै आन्दोलनमा साझा धारणा बनाउन सबै पहिचानवादी दल लगायत संगठनहरुसँग प्रतिबद्धता जनाएका छन् । उनीहरुले उत्पिडित राष्ट्रियता नै बर्गिय रुपमा उत्पिडनमा परेकोले पहिचानको आन्दोलनलाई सामुदायिक समाजबादी कार्यक्रम मार्फत बर्तमानको माफियातन्त्रको अन्त्य गर्ने प्रतिबद्धता समेत जनाएको छन् ।

त्रिनारायण राजबंशीको सभाध्यक्षतामा भएको कार्यक्रमको संचालन के.स. बलराम खवासले गरेका थिए भने श्याम राजबंशीले स्वागत मन्तव्य राखेका थिए ।

तेह्रथुममा नागरिकको तदर्थ समिति गठन

यसैगरी तेह्रथुम जिल्लामा नागरिक उन्मुक्ति पार्टी (एकीकृत) समायोजन भएको सचिवालय सदस्य सेसेहाङ चोङबाङ्ले जनाएका छन् । आइतबार तेह्रथुमको म्याङलुङमा भएको एक भेलाले लोकतान्त्रिक सामाजवादी पार्टीका अध्यक्ष दिल बहादुर सोदेम्बा लगायत नेताहरु नागरिकमा समाहित हुँदै सोदेम्बाकै अध्यक्षतामा नयाँ जिल्ला तदर्थ समिति गठन भएको हो ।

समितिको उपाध्यक्षमा रुद्र तामाङ, सचिवमा प्रकाश थलङ, सहसचिवमा शुक्रराज चोङबाङ र कोषाध्यक्षमा दिपक लिम्बु थलङ चयन भएका छन् भने सदस्यहरुमा राम बहादुर तामाङ, राम बहादुर लिम्बु, भिमराज चोङबाङ र इन्द्रजित लिम्बु रहेका छन् । थप समिति विस्तार गर्दै लाने लिम्बुवान प्रान्तीय समितिका सचिव विजय निङलेखुलाई लिम्बुवानखबरलाई बताएका छन् ।

नेता निङलेखुले जिल्लाका सबै पालिका र वडाहरुमा संगठन विस्तारलाई तिब्रता दिने समेत बताएका छन् ।

 

सम्बन्धित समाचार

फाल्गुन १७ प्रदेश १ को अध्यारो दिन, १ बर्ष पुरा

दमक, १८ फाल्गुन । १ नम्बर प्रदेशको नामाङकन पहिचान नामेट हुनेगरी कोशी प्रदेश कायम गरिएको १७ फाल्गुनमा एक वर्ष पूरा भएको छ । गत वर्षको फागुन १७ गते प्रदेश १ को नाम प्रदेश सभाले चोरबाटोबाट...

दमकमा आजबाट दुई दिने याक्थुङ साम्लो महोत्सव हुँदै

दमक, १८ फाल्गुन । झापाको दमक ७ स्थित पशुहाटमा आज(शुक्रबार)बाट दुईदिने याक्थुङ साम्लो महोत्सव २०८० सुरु हुदैंछ । याक्थुङ् लिम्बू कलाकारहरुको गौरवशाली छाता संगठन फक्ताङलुङ साँस्कृतिक मञ्च केन्द्रीय कार्य समितिको आयोजनामा आज र भोलिसम्म सञ्चालन...

मनकुमार तुम्सा कियाचु जापानकाे अध्यक्षमा निर्वाचित

जापान । किरात याक्थुङ चुम्लुङ जापानको छैटौँ महाधिवेशन भव्यताका साथ सम्पन्न भएको छ। टोकियो ओकुबो स्थित काठमाडौँ लञ्च एण्ड बारमा सम्पन्न महाधिवेशनले मन कुमार तुम्साको नेतृत्वमा २५ सदस्यीय नयाँ कार्यसमिति चयन गरेको छ । कियाचु...

इतिहास सच्चाउन माग गर्दै फाेनिजकाे ७ दिने अल्टिमेटम

विर्तामाेड, झापा । नेपाल आदिवासी जनजाति पत्रकार महासंघ (फोनिज) झापा शाखाले नेपाल पत्रकार महासंघको संस्थापक अध्यक्ष सम्बन्धि गलत इतिहास सच्याउन माग गर्दै ७ दिने अल्टिमेटम दिएको छ । विभिन्न तथ्यका आधारमा नेपाल पत्रकार महासंघको संस्थापक अध्यक्ष...