दमक, २५ कार्तिक । किरातीहरुका आस्थाको धरोहर महागुरु फल्गुनन्दको १४०औं जन्मजयन्ती आज विविध कार्यक्रम गरि मनाइन्दैछ । किरात धर्मवलम्बीहरुले विभिन्न माङहिम÷खिमहरुमा, विभिन्न स्थानहरुमा निर्मित शालित तथा प्रवासहरुमा पनि आज १४०औं जयन्ती मनाउदैछन् ।

मुक्कुलुङ, सिलौटी, लब्रेकुटी, माङसेबुङ, माबु, चुलाचुली हात्तिलेदा, सुनसरीका विभिन्न माङहिमहरु, झापाका विभिन्न माङहिमहरु, मोरङका विभिन्न माङहिमहरु, धनकुटा, तेह्रथुम, संखुवासभा लगायत विभिन्न स्थानहरु र अमेरिका, अष्टे«लिया, बेलायत, भारतमा विभिन्न प्रान्तहरुमा छरिएका किरातीहरु, भूटान, म्यानमार, त्यसैगरी अन्य राष्ट्रहरुमा समेत महागुरुको जन्मजयन्ती मनाईदैछ ।

किरातीहरु कुरिती कुसंस्कार, मदिरा मंस तथा सोत रितमा लिप्त भएर सत कर्ममा लाग्ने अवस्था नभएको समयमा महागुरुको उदयसँगै अहिसाको बाटो लाग्न विभिन्न स्थानहरुमा पुगेर किरातीहरुमा चेतनामूलक कार्यगर्नु भएको थियो । मुन्धुमलाई लिखित रुपमा उतार गरी चेतना निर्माणमा किरातीहरुलाई अघि बढाउनु भएको थियो ।

शान्तिवादी, प्रकृतिपुजक, मातृभाषाको जगेर्ना, मानवता र समानताको हिसावलाई माहिला पुरुष एउटै हुन् भन्ने उनको विचार थियो । उनले वि.सं. १९८८ मा लोब्रेकुटीमा दश लिम्बुवान सत्रथुमका तुम्याहाङहरुलाई बोलाई विशाल कार्यक्रम गरि सत्यधर्म मुचुल्का लेखाउनु भएको थियो । सो मुचुल्का विश्वमा चर्चित छ । उनको महान कार्यलाई आत्मासाथ गर्दै २०६४ को पहिलो संविधानसभा चुनाव पछि २०६६ साल मंसिर १२ गते संविधानसभाले १६औं राष्ट्रिय विभूति घोषणा गरेको छ ।

प्रदेश नं. १ सरकारले कार्तिक २५ गते प्रदेशस्तरमा विदा दिएको छ । आज प्रदेश १ को सबै सरकारी कार्यालय, क्याम्प्स, विद्यायलय लगायत संस्थानहरु बन्द रहने जनाएको छ ।