दमक, १ मंसिर । झापा, दमकको स्रष्टा कृष्ण कास्यपको गजल संग्रह ‘सराप’को विमोचन भएको छ । शनिबार दमकस्थित कदम थिएटरको सभाहलमा प्राज्ञ सुमित्रा वाङदेल ‘चेली’को प्रमुख आतिथ्यतामा विमोचन गरिएको हो ।

कदम थिएटरमा नाटक हेर्न आउने गरिए पनि शनिबारको माहौंल अलि फरक नै देखियो । दमककै सबैभन्दा ठूलो स्रष्टा छापाखानाबाट स्रष्टा पब्लिकेशनले गजल प्रकाशन गरेको हो ।

गजल संग्रहलाई बरिष्ठ साहित्यकार केशव आचार्य र घनश्याम पथिकले कृतिको चर्चा गरेका थिए । सरावले गजलमा एउटा नयाँ आयम थपेको र गजलकारको चर्चा गरेका थिए ।

यसैगरी अतिथि वक्ताको रुपमा प्राध्यापक तथा साहित्यकार मधुराज केरुङ्ले सराबको पनि वर्ग हुनुपर्ने बताए । आफू अर्गानिक सराब मनपराउने बताउँदै मुन्धुममा नै सराबको सन्दर्य हुने बताए । उनले सराव उपनिवेश भएको भन्दै अर्गानिक लेख्न अनुरोध गरेका छन् ।

यसरी नै साहित्यकार लिला अनमोल र सुनिता तामाङ्ले गजलकार कास्यपको दुईदुई गजल पढेर स्रोताहरुलाई गजलको स्वाद पिलाएका थिए ।

पब्लिकेशन संचालक याम थुलुङ्, लेआउट डम्बर तुम्बापो बुद्धको मुख्य भूमिका रहेको यो कृति विमोचन कार्यक्रमको संचालन सचिव राजकुमार अकिन्चनले गरेका थिए भने अध्यक्षता अध्यक्ष सुन्दर कुरुपले गरेका थिए । कार्यक्रममा स्वागत मन्तव्य कदम थिएटरका सिजन दाहालले राखेका थिए ।

कार्यक्रममा झापा, मोरङ, सुनसरी, इलाम र पाँचथरका स्रष्टाहरुको सहभागिताको रहेको थियो ।

कार्यक्रमकाे मिडिया पार्टनर लिम्बुवानखबर डटकम, फेसबुक र युट्युव पार्टनर एफडिसी एचडी रहेका थिए ।