ललितपुर, ११ मंसिर । संयुक्त राज्य अमेरिकाको टेक्सास राज्यमा पहिचानवादी मोर्चा गठन भएको छ । राज्यको डालासमा भएको पहिचानवादी मोर्चाको भेलाले हरिमान तुम्बाहाम्फेको संयोजकत्वमा १९ सदस्यीय पहिचानवादी मोर्चा प्रवास अमेरिका समिति गठन गरेको हो ।

मोर्चाका संयोजक प्रा.डा. महेन्द्र लाओेतीको प्रमुख आतिथ्यमा आयोजित एक कार्यक्रमले सह–संयोजकहरूमा तोङ्सा योङ्या (भूपेन्द्र), अमर सेनेहाङ र ईयोन नाछिरिङ राई चयन गरेको छ ।

त्यस्तै, सदस्यहरूमा आशिष लिङ्देन, अम लिम्बु आवाजुङ, नगेन्द्र इङ्नाम, सरोज तुम्बाहाम्फे, विश्वास योङहाङ, प्रेम फागो, इन्द्र थेबे, मिना चेम्जोङ, एलबी साँवा, अमृत तुम्बाहाम्फे, हिमाल जङ्ग क्षेत्री, कृष्ण जङ्ग लिम्बु, अनिता लिङ्देन, कृष्ण फागो र लोकेन्द्र बहादुर विश्वकर्मा रहेका छन् ।

मोर्चालाई अमेरिकाको अन्य राज्यहरू समेत विस्तार गरिने संयोजक तुम्बाहाम्फेले बताए । पहिचानवादी आन्दोलनलाई प्रवाससँग समेत जोड्न मोर्चाहरू गठन गर्न सुरु गरिएको केन्द्रीय संयोजक डा. लाओेतीले बताए । उनले पहिचानवादीहरूको एकीकृत शक्ति निर्माणले मात्रै उत्पीडनबाट मुक्ति मिल्ने जनाए ।

यसैगरी अन्य राज्यहरुमा संगठन विस्तार गरेपछि अमेरिका प्रवास समिति चाडै गठन गर्ने संयोजक तुम्बाहाम्फेले लिम्बुवान खबरलाई बताएका छन् ।

उक्त कार्यक्रममा प्रमुख अतिथि संयाेजक डा. लावतीलाइ याक्थुङहरूकाे केलाङ लगायत सांस्कृतिक कार्यक्रमसहित भव्य स्वागत गरिएकाे थियाे ।