दमकमा ६ वटा आधारभुत स्वास्थ्य भवन बन्ने

 लिम्बुवान न्युज
                       

दमक/ झापाको दमकमा ६ वटा आधारभुत स्वास्थ्य चौकी बन्ने भएकाे छ ।  दमककाे वडा नं. ३, ५, ७ र अन्य तीन स्थानमा ति आधारभुत स्वास्थ्य चौकी बनाउने तयारी थालिएकाे हाे ।

साेमबार देशै भरी स्वास्थ्य चाैकीहरूकाे शिलान्यास भइरहँदा दमक ३ गोलाटारमा निर्माण गरिने आधारभुत स्वास्थ्य चौकी भवनको  शिलान्यास गरिएको छ । दमक नगरपालिकाका प्रमुख रोमनाथ ओली र उपप्रमुख गीता अधिकारीले संयुक्त रुपमा सो भवनको शिलान्य गरे । सो भवन निर्माणका लागि दमक ३ निवासी तुलसी धिमालले ३ कठठा जग्गा निःशुल्क प्रदान गरेकाे वडाध्यक्ष नविन बरालले जानकारी दिएका छन् ।

शिलान्यास कार्यक्रममा नगर प्रमुख ओलीले संविधानमानै आधारभुत स्वास्थ्य सेवा प्रदान गर्ने दायित्व स्थानीय सरकारको भएका कारण खोप तथा अन्य आधारभुत स्वास्थ्य सेवा प्रदान गर्ने उद्धेश्यले आधारभुत स्वास्थ्य चौकी सञ्चालनमा ल्याइने नगर प्रमुख रोमनाथ ओलीले बताए ।


करिब ४ करोड ७५ लाख ८ हजार १२७ रुपैयाँको लागतमा त्यस किसिमका स्वास्थ्य भवन निर्माणका लागि माङसुवा प्रविन जेभीले गत जेठमा नै सम्झौता गरेको नगरपालिकाले जनाएको छ । सम्झौता अनुसार नगरका ६ स्थानमा चार कोठाको एक तले भवन २०७८ कार्तिक ५ गते भित्र सम्पन्न हुनेछन ।

वडाध्यक्ष बरालको अध्यक्षतामा भएको सो शिलान्यास कार्यक्रममा समयमा नै निर्माण सम्पन्न गरेर सेवा प्रदान गर्ने वातावरण सिर्जना गर्न सम्बद्ध निर्माण व्यवसायीलाई आग्रह गरिएको छ । कार्यक्रममा नगरपालिकाका कार्यपालिका सदस्य खडग बहादुर धिमालले स्वागत मन्तव्य राख्दै राखेका थिए ।

शिलान्यास कार्यक्रममा दमक १० का वडाध्यक्ष बोधराज न्यौपाने, नगरपालिकाका प्रमुख प्रशासकिय अधिकृत गणेश तिम्सिना, योजना अधिकृत जिवराज भट्टराई, लेखा अधिकृत देवी कोइराला, निर्माण व्यवसायी प्रकाश केसी सहित स्थानीय वडा सदस्यहरुकाे सहभागी थियाे ।

सम्बन्धित समाचार

इलाम क्षेत्र नं. २ को अन्तिम वडाको मत गन्दागन्दै रोकियो

इलाम, १० मंसिर । निक्कै नै रोचक मोडमा पुगेको इलाम क्षेत्र नं. २ को मत गणना रोकिएको छ । कडा प्रतिस्पर्धा देखिएको इलाम प्रतिनिधिसभा क्षेत्र नम्बर २ मा अन्तिम वडाको मतगन्दा गन्दै गणना रोकिएको हो...

आत्मानन्द कप : हाटखोला सुनसरीको विजयी सुरुवात

माङसेबुङ । इलामको माङसेबुङमा शुरु भएको आत्मानन्द कप १५औं संस्करण पुरुष फुटबल प्रतियोगितामा हाटखोला फुटबल क्लव सुनसरीले बिजयी सुरुवात गरेको छ । माङसेबुङ ५ स्थित प्रस्तावित आत्मानन्द रंगशालमा आज शुक्रबार भएको उद्घाटन खेलमा डिफेन्डिङ च्याम्पियन माङसेबुङ...

ब्राजिल, पोर्चुगल, स्वीट्जरल्याण्डले समान ३ अंक जोड्दा उरुग्वे र दक्षिण कोरियाले अंक बाढे

काठमाडौं, ९ मंसिर । कतारमा जारी २२औं संस्करणको विश्वकप फुटबलमा चार खेलहरुमा तीन खेल जित र एक खेल बराबरी भएको छ । उपाधिको मुख्य दाबेदारको रुपमा कतार पुगेका ब्राजिलले फिफा विश्वकप फुटबलको पहिलो खेलमा सर्बियालाई...

आत्मानन्द कप शुक्रबार देखि सुरु हुदैं

दमक, ८ मंसिर । किरात धर्मगुरु आत्मानन्द लिङदेन सेइङको ६९औं जन्मोत्सव तथा गुरुआमा पवित्रहाङमा साम्बा लिङदेनको नुमाङगेन्ना सेवाको अवसरमा आयोजित ‘आत्मानन्द कप’ १५ औं संस्करण पुरुष फुटबल प्रतियोगिता २०७९ शुक्रबार देखि सुरु हुदैंछ । आत्मानन्द...