मिक्लाजुङका कृषकहरु पुरस्कार पाउने भएपछि खेती गर्न उत्साहित

 लिम्बुवान न्युज
                       

रवि। पान्थरको मिक्लाजङ गाउँपालिकाले यस बर्ष देखि ४० मुरीभन्दा बढी धान, ४ फिट अग्लो र २० फिट लम्बाई भएको मकैको थाङग्रो उत्पादन गर्ने कृषकलाई एक लाख पुरस्कार दिने भएको छ ।

गाउँपालिकाभित्र उत्पन्न हुने खाद्यान्न सङ्कट न्यूनीकरणका लागि किसानलाई कृषि उत्पादनमा उत्प्रेरणा ल्याउने उद्देश्यले गाउँपालिकाले सो पुरस्कारको व्यवस्था यस आर्थिक बर्ष देखि लागू गरेसँगै वाड वार्डमा गाउँपालिकाले अनुगमन शुरु गरेको हो ।

यस्तै ३५ मन (प्रति मनमा ४० किलो) भन्दाबढी आलु उत्पादन गर्ने कृषकलाई प्रतिकिलो २० रुपैयाँ पुरस्कार दिने निर्णय समेत भएकाे हुँदा विशेष गरेर धान, मकैं र आलू किसानहरु खेती गर्न उत्साहित भएका छन् ।

खेती योग्य जमिन बाँजो हुनबाट रोक्दै स्थानीय स्तरमै खाद्यन्य पुर्ति गर्न सहज होस् र कृषिबाट जिवनस्तर उकास्न सहज होस् भन्ने उद्देश्यले पालिकाले यस्तो निर्णय गरेको अध्यक्ष अमर माखिमले बताए ।

कोरोना संक्रमणबाट उत्पन्न परिस्थितिमा कृषिजन्य उपज उत्पादन वृद्धिमा उत्प्रेरणा ल्याउन कृषकलाई सम्मान तथा पुरस्कार वितरण सम्बन्धि कार्य विधि (२०७६) का आधारमा कृषकलाई उक्त पुरस्कार दिने निर्णय गरेसँगै कृषकहरु आत्मानिर्भर र स्वावलम्बी बनेको अध्यक्ष माखिमले बताए ।

यसै क्रममा किसानहरुको घरघरमा गएर उत्पादित धान, मकैं र आलूको अनुगमन भइरहेको मिक्लाजुङ् वडा नं. ५ का अध्यक्ष अविसन लावतीले बताएका छन् ।

तस्वीरः वडाध्यक्ष अविसन लावतीकाे फेसबुकबाट

सम्बन्धित समाचार

शहीद मनिल तामाङको १४औं स्मृति दिवस मनाइयो

दमक, ७ चैत्र । राष्ट्रिय शहीद मनिल तामाङ्को १४औं स्मृति दिवसमा श्रद्धाञ्जली कार्यक्रम गरि विविध स्थानमा मनाइएको छ । २०६५ चैत्र ६ गते प्रहरीको गोली लागि धुलाबारीस्थित क्याम्पसमा शहादत्ता प्राप्त गरेका शहीद तामाङ्को स्मरण गर्दै...

पहिचानवादीहरुको विराटनगरमा वृहत जनप्रदर्शन

विराटनगर, ५ चैत्र । कोशी प्रदेश नामकरण खारेजीको माग राख्दै पहिचानवादी दल, संघसंगठानहरु आन्दोलनमा उत्रिएका छन् । पहिचान मेटाएर प्रदेशको नाम राखेको भन्दै असन्तुष्ट बनेका पहिचानवादी दल र संघसंगठनहरु आन्दोलनमा उत्रिएका हुन् । अघिल्लो प्रदेशसभामा...

लिम्बु कथानक चलचित्र ‘सुगुत्’को छायांकन सम्पन्न

काठमाडौ, ३ चैत्र । लिम्बु कथानक चलचित्र ‘सुगुत्’ को छायांकन सम्पन्न भएको छ । पान्थर, ताप्लेजुङका साथै भारतको आसाम लगायत विभिन्न ठाउँमा छायांकन गरि गत फागुन मसान्तमा सकिएको हो । चोक्फुङ इन्टरटेन्मेन्ट प्रा.लि. र खापुङ्...