दमक। विश्वव्यापी अनलाइन याक्थुङ गजल प्रतियोगिता २०७७ इक्सादिङ चरणबाट तेस्राे तरङदिङ ताङसाङ चरणामा प्रवेश गरेको छ ।

शनिबारबाट विश्वव्यापी अनलाइन याक्थुङ गजल प्रतियोगिता २०७७ इक्सादिङ चरण पार गर्दै तरङदिङ ताङसाङ चरणमा प्रवेश गरेको हो ।

प्रतियोगिताका निर्णायक मधुराज केरुङले याक्थुङ आर्ट एन्ड लिट्रेचर ग्रुपको फेसबुक पेज मार्फत इक्सादिङ चरणमा सहभागी २० जना प्रतियोगीहरु मध्येबाट तरङदिङ ताङसाङ चरणमा प्रवेश हुने १० जना प्रतियोगीहरुको नामावली सार्वजनिक गरेका हुन् ।

तरङदिङ ताङसाङ चरणमा सीता पिरती (ताप्लेजुङ), मन कुमार तुम्रोक (पान्थर), एस.बि गोधुली (ईलाम), मचिन्द्र लोवा सेमि (पान्थर), कुमार बि.क (तेह्रथुम),लेकाली कान्छा मुक्कुम (ताप्लेजुङ), लक्ष्मी नेम्वाङ (पान्थर), लोकेन्द्र देवान ‘अशिम’ (धनकुटा), के. बि किराँती (ताप्लेजुङ) र लक्ष्मी माङ चेम्जोङ (पान्थर) प्रवेश गरेका छन् ।

याक्थुङ आर्ट एन्ड लिट्रेचर ग्रुपको आयोजनामा जनम लिङ्दम हाङ्साको संयोजकत्वमा सञ्चालन भइरहेको याक्थुङ गजल प्रतियोगिता गत असोज १ गतेबाट सुरु भएको हो ।

प्रतियोगिताका विजेताले नगद पुरस्कार ३० हजार सहित प्रमाणपत्र, उपविजेता हुनेले नगद पुरस्कार २० हजार सहित प्रमाणपत्र, तेस्रो हुनेले १० हजार नगद पुरस्कार सहित प्रमाणपत्र र सान्तवना हुनेले नगद पुरस्कार ५ हजार सहित प्रमाणपत्र हात पार्नेछन् ।