कांग्रेसले २९ गते देशव्यापी विरोधसभा गर्नेः झापामा मोटरसाइकल र्याली हुँदै

 लिम्बुवान न्युज
                       

काठमाडौं। प्रमुख प्रतिपक्षी दल नेपाली कांग्रेसले आगामी मंसिर २९ गते देशको ७७ वटै जिल्लाहरुमा शक्ति प्रदर्शन गर्नेभएको छ । तनहुँमा आफ्ना बरिष्ठ नेता रामचन्द्र पौडेलमाथि अपमानजनक ढंगले गिरफ्तार गरेको प्रति खेद व्यक्त गर्दै उक्त प्रदर्शन गर्न लागिएको हो ।

जनताको बलबाट ल्याइएको संघीय लोकतान्त्रिक गणतन्त्रको रक्षा र सम्बद्र्धन, कोभिड–१९ को उपचार र नियन्त्रण गर्न सरकार चुकेको, सरकार भ्रष्टचार र कमिशनको दलदलमा फसेको कांग्रेसले आरोप लगाएको छ ।

त्यसैगरी स्थगित गरिएको संघीय संसदको बैठक अविलम्ब बोलाउन साथै नेपाली कांग्रेसका बरिष्ठ नेता पौडेललाई तनहुँमा गरिएको दुव्र्यवहारको विरुद्धमा देशैभरी विरोधसभा आयोजना गरिएको जनाएको छ ।

यसैगरी नेपाली कांग्रेस झापा जिल्ला समितिले भने आगामी २९ गते मोटरसाइकल र्यालीको आयोजना गर्ने भएको छ । सरकारलाई दबाद दिन कन्काईको सुरुंगाबाट विर्तामोडसम्म मोटरसाइकल र्यालीको आयोजना गरी मुक्तिचोकमा विरोधसभा गर्ने जिल्ला सभापति उद्धव थापाले बताएका छन् ।

गत आइतबार कांग्रेसका प्रवक्ता विश्वप्रकाश शर्मा, केन्द्रीय सदस्य भारतेन्द्रकुमार मल्लिक, आमन्त्रिक केन्द्रीय सदस्य तथा संविधान सभा सदस्य सुधीरकुमार शिवाकोटी, दिलीप राई, पूर्व सांसद डिल्लीप्रसाद सिटौला लगायत महासमिति सदस्य, जिल्ला कमिटी, प्रदेश कमिटी, महाधिवेशन प्रतिनिधिहरु, शुभेच्छुक र भातृ संगठन प्रमुखहरुको सहभागीता रहेको जिल्ला समितिको बैठकले सो निर्णय गरेको हो ।

 

सम्बन्धित समाचार

काङसोरे पुरस्कार स्व. इमानसिङ् चेम्जोङ्लाई

ललितपुर, २१ असार । लिम्बुवान नागरिक समाज यूकेले तिन बर्षमा प्रदान गर्दै आईरहेको काङ्सोरे पुरस्कार इतिहासकार, साहित्यकार, भाषाविद् स्व इमानसिंह चेम्जोङलाई प्रदान गरेको छ । यस वर्ष स्व.चेम्जोङलाई मरणोपरान्त पुरस्कार प्रदान गरिएको हो । शनिवार...

फक्ताङलुङ सांस्कृतिक मञ्चको अध्यक्षमा मोहन मादेन निर्वाचित

ललितपुर, २१ असार । फक्ताङलुङ सांस्कृतिक मञ्चको पाँचौं राष्ट्रिय महाधिवेशन सम्पन्न भएको छ । ललितपुरस्थित किरात याक्थुङ चुम्लुङको संघीय कार्यालयमा शनिबार मोहन मादेनको अध्यक्षतामा नयाँ कार्य समिति चयन गठन भएको हो । नेपाल प्रज्ञा प्रतिष्ठानका...

लिम्बु भाषाकाे लघु चलचित्र ‘तङ्सिङ्’ को छायांकन  सम्पन्न

ललितपुर, १९ असार । याक्थुङ/लिम्बू भाषामा निर्माण गरिएको लघु चलचित्र ‘तङ्सिङ्’ को छायांकन  सम्पन्न भएको छ। पान्थर र काठमाडौँ जिल्लाका विभिन्न ऐतिहासिक स्थलहरूमा छायाँकन सम्पन्न भएको हो। याक्थुङ मुन्चइत चोक सयङकाे निर्माण तथा चलचित्र विकास...

राष्ट्रिय झण्डा र त्रिशुल लडाएको प्रति पत्रकार सम्मेलन गरेर आपत्तिः कारबाहीको माग

दमक, १५ असार ।  मोरङको पथरीशनिश्चरे—१० स्थित किरात युमा माङहिमले धार्मिक आस्थाको लागि राखिएको त्रिशुल र नेपालको राष्ट्रिय झण्डा लडाउनेहरुको खोजी गरेर कारबाहीको माग गर्दै शनिबार पत्रकार सम्मेलनको आयोजना गरेरै आक्रोश व्यक्त गरेका छन् ।...