सगरमाथा (चोमोलुङमा) को उचाइ ८८४८.८६ मिटर कायम

 लिम्बुवान खबर
                       

काठमाडौं । नेपाल र नेपालीको सान विश्वकै सर्वोच्च शिखर सगरमाथा (चोमोलुङ्मा)को उचाइ ८६ सेन्टिमिटर बढेको छ । सर्वाधिक चासोको रुपमा नेपाली जनताले लिएको सगरमाथाको नयाँ उचाई नेपाल र चीनले एकैपटक मंगलबार सार्वजनिक गरेको हो ।

अब सगरमाथाको उचाइ अब ८८४८.८६ मिटर पुगेको छ । नापी विभागमा आयोजित पत्रकार सम्मेलनमा परराष्ट्रमन्त्री प्रदीपकुमार ज्ञवालीले नयाँ उचाइ घोषणा गरेसँगै यसले मान्यता पाएको बताएका छन् ।

यद्यपी उचाइ मापन भने नेपाल र चीनले बेग्लाबेग्लै गरेको हो । फिल्ड सर्वेक्षणबाट प्राप्त तथ्यांक नापी विभागले प्रशोधन गरेर चिनीयाँ समकक्षी प्राविधिक र निर्देशक समिति तहमा नै छलफल गरेको सार्वजनिक गरिएको विभागले जनाएको छ ।

गत मंसिर १० मा बसेको संघीय मन्त्रिपरिषद् बैठकले भूमि व्यवस्था, सहकारी तथा गरिबी निवारण मन्त्रालयलाई उचाइ सार्वजनिक गर्न स्वीकृति दिएको हो तर चीनसँग समन्वय भने परराष्ट्रय मन्त्रालयले गरेको थियो ।

हालसम्म विश्वले मान्दै आएको उचाइ ८८४८ मिटर सर्वे अफ इन्डियाले सन् १९५४ मा नापेको हो । सगरमाथाको उचाइबारे विवादित अवस्थामा पुगेपछि नेपाल र चीनबीच ८८४८ मिटरलाई नै मान्यता दिने साझा धारणा बनेर हालसम्म सोही उचाइलाई कायम गरिएको थियो । त्यसपछि सन् २०१९ को अक्टोबरमा सगरमाथाको उचाइ नाप्न नेपाल र चीनमा एकै साथ घोषणा गर्ने सहमति भएको थियो ।

आदिवासी किरात राईहरुले सगरमाथाको ऐतिहासिक नाम चोमोलुङ्मा मान्छन् । सन् १८६५ मा ब्रिटिस सर्भेयर कर्णेल सर जर्ज एभरेष्टको नाममा माउन्ट एभरेष्ट नामाकरण गरिएको थियो । त्यस पछि सन् १९५६(वि.सं. २०१२) मा इतिहास शिरोमणि बाबुराम आचार्यले सगरमाथा नामाकरण गरेका हुन् ।

सम्बन्धित समाचार

मुक्कुमलुङ परिसरमा वृक्षारोपण – एक सत्याग्रह

पूर्वी नेपालको ताप्लेजुङ जिल्ला स्थित मुक्कुमलुङ क्षेत्र, जसलाई किरात मुन्धुमी परम्परामा अत्यन्त पवित्र स्थल मानिन्छ, अहिले केवलकार निर्माणको नाममा बन फडानीको चपेटामा परेको छ। यही विरुद्धमा, असार १ गते, हजारौँ नागरिकले सामूहिक वृक्षारोपण कार्यक्रमको आयोजना...

दमकको मदनडाँगी–ताराबारी–डिपु सडकको उद्घाटन

दमक, २९ असार । प्रधानमन्त्री केपी शर्मा ओलीले झापाको दमकस्थित मदनडाँगी–ताराबारी–डिपु सडक स्तरोन्नति आयोजनाको उद्घाटन गरेका छन् । आइतबार (आज) एक कार्यक्रमका बीच प्रम ओलीले विश्व बैंकको सहयोग एंव नेपाल शहरी शासकीय तथा पूर्वाधार आयोजनाको...

हस्ताक्षर संकलनमा प्रहरीकाे हस्तक्षेप

दमक, २९ असार । झापाकोे दमकमा प्रधानमन्त्री केपी ओली आएको वेलामा राष्ट्रिय स्वतन्त्र पार्टीले हस्ताक्षर संकलन गरेको भन्दै प्रहरीले हस्तक्षेप गरेको छ । दमकस्थित क्याम्पस माेडमा हस्ताक्षर संकलन गरिरहेका रास्वपाका कार्यकर्तालाई प्रहरीले हस्तक्षेप गरेको हो...

ज्ञानेन्द्र कुरुम्बाङ किरात माङ्सेसे हाङ्साम माङहिमकाे अध्यक्षमा निर्वाचित

ललितपुर, उपत्यका ब्यूराे ।  ललितपुरकाे महालक्ष्मी नगरपालिकास्थित किरात माङ्सेसे हाङ्साम माङहिम सञ्चालक समितिको चौथो अधिवेशन  सम्पन्न भएकाे छ । शंखदेवी लुभुमा अवस्थित माङहिमकाे अध्यक्षमा ज्ञानेन्द्र कुरुम्बाङ निर्वाचित भएका छन् भने  १३ सदस्यीय समिति निर्वाचित  भएका...