फेदाप गाउँपालिका ५ को नवनिर्मित भवन उद्घाटन

 लिम्बुवान न्युज
फेदाप गाउँपालिका ५ को नवनिर्मित भवन उद्घाटन

तेह्रथुम। फेदाप गाउँपालिका वडा नं. ५ को नवनिर्मित प्रसाशनिक कार्यालय उद्घाटन कार्यक्रम आज सप्पन्न भएको छ । तत्कालिन शान्ति तथा पुनःनिर्माण मन्त्रालयको आर्थिक सहयोग १७ लाख पचास हजार र हाल फेदाप गाउँ कार्यपालिकाको २४ लाख पचास हजार गरि जम्मा ४२ लाख सहयोगमा निर्माण कार्य सप्पन्न गरि उद्घाटन गरिएको हो ।

मंगलबार नवनिर्मित भवनको गाउँपालिका अध्यक्ष हरिप्रसाद चोङबाङको हस्तबहुलीबाट एक कार्यक्रम बिच गरिएको थियोे । अध्यक्ष चोङबाङ्ले गाउँपालिका बिकासको लागी कुनै पनि क्षेत्रमा कसुर बाकी नराख्ने उद्घोष गर्नुभएको थियो । उहाले आवश्यक परे जनताको आधारभुत कुरामा समेत सचेतता पुर्वक कृयाशिल हुने प्रतिबद्धता मन्तव्यको क्रममा व्यक्त गरेका छन् ।

नवनिर्मित ५ नं. वडा कार्यालयको परिषरमा आयोजना भएको भवन उद्घाटन कार्यक्रम वडा स्थित नागरिकहरुले राम्रै उपस्थिति जनाएका थिऐे ।
उक्त कार्यक्रममा पालिका उपाध्यक्ष गितादेवी थापा गाउँपालिकाका निर्वाचित जनप्रतिनिधि वडा अध्यक्षहरु विभिन्न राजनीतिक दल, शिक्षक, कर्मचारी, गाउका बुद्धिजीवी र पत्रकारहरुको समेत उपस्थिति रहेको थियो ।

५ नं. वडा अध्यक्ष टेकबहादुर घिसिङको अध्यक्षतामा सम्पन्न कार्यक्रममा गाउँपालिका उपाध्यक्ष गीतादेवी थापा, वडा नं. १ र ४ अध्यक्षहरु मान ब श्रेष्ठ र नविन चोङबाङ्ले पनि मन्तव्य राखेका थिए । त्यसैगरी राजनीति दलहरुबाट नेकपा वडा अध्यक्ष टेकनारायण बिमली, काङ्ग्रेस वडा सभापति गणेश निरौला, संघीय लिम्बुवान मञ्च फेदाप गाउपालिका समिति का.वा. अध्यक्ष तिलबिक्रम चोङबाङ लगायतले राखेका थिए ।

उक्त कार्यक्रममा सेसेहाङ हुक्पा चोङबाङद्वारा लिखित इसिबुको चिनारी पुस्तक समेत प्रमुख अतिथि हरिप्रसाद चोङबाङ र वडा अध्यक्ष टेकबहादुर घिसिङले संयुक्त रूपमा बिमोचन गर्नुभएको थियो । पुस्तकमा इसिबुको राजनीति, सामाजिक, आर्थिक, भौगोलिक, शिक्षा, जनसंख्या, पर्यटन, धार्मिक अवस्था लगायत बिषय समेटिएको छ । कार्यक्रमको संचालन पुरुषोत्तम तिम्सिनाले गरेका थिए ।

(तस्वीर सेसेहाङ चाेङबाङकाे फेसबुकबाट)

सम्बन्धित समाचार

प्रधानमन्त्री ओलीद्वारा फागुनमा स्थानीय तहको चुनाव गर्ने घोषणा

काठमाडौं । नेकपा एमालेका अध्यक्ष एवम् प्रधानमन्त्री केपी शर्मा ओलीले फागुनभित्रै स्थानीय तहको चुनाव हुने बताएका छन् । बालुवाटारमा बसेको महाधिवेशन आयोजक कमिटीको बैठकमा प्रधानमन्त्री ओलीले स्थानीय तहको चुनावी तयारीमा लाग्न निर्देशन दिएका हुन् ।...

पालाम ‘काराङ्वा पुसा’को छायाँकन सम्पन्न

लिम्बुवानखबर । लोकप्रिय गायक तथा संगीतकार यादन सेर्मा ‘नुनाम’ र गायिका भावना नेम्बाङको सुमधुर आवाजमा सजिएको लिम्बू संस्कृतिमा आधारित पालाम ‘काराङ्वा पुसा’ को म्युजिक भिडियो छायाँकन सकिएको छ । गीतकार सुवर्ण नेम्बाङको शव्द संकलन तथा...

मुक्कुमलुङ अतिक्रमण विरुद्ध काठमाडौं र झापामा एकैसाथ बिरोध

काठमाडौं। मुक्कुमलुङ अतिक्रमणको विरुद्धमा आज काठमाण्डौँमा बिरोध–सभा सम्पन्न भएको छ । लिम्बु समुदायको ऐतिहासिक आस्थालाई भत्काई ’मुक्कुमलुङ’को अस्तित्व मेट्ने दुस्प्रयास गरेकोले सरकारको यो गलत कदमको विरुद्धमा याक्थुङ लेखक मञ्च,उपत्यका समितिको आयोजनामा आज काठमाण्डौँमा बिरोध–सभा गरिएको...

मञ्चद्वारा दोभानका अग्निपिढीतहरुलाई राहत वितरण

ताप्लेजुङ। संघीय लोकतान्त्रिक राष्ट्रिय मञ्च सम्बद्ध संघीय लिम्बुवान मञ्च, नेपालको प्रवास समितिहरुद्वारा संकलित रकम ताप्लेजुङ् दोभानका अग्निपिढीत ५८ घर परिवारलाई राहत वितरण गरेको छ । संघीय लिम्बुवान सामाजिक मन्च, प्रवास कार्य समिति युकेको विशेष पहलमा...