पत्रकार मैनालीद्वारा नारी सञ्चार गृहकाे अक्षयकाेषलाइ सहयोग प्रदान

 लिम्बुवान न्युज
पत्रकार मैनालीद्वारा नारी सञ्चार गृहकाे अक्षयकाेषलाइ सहयोग प्रदान

  • भूमिका फियाक

विर्तामोड। झापाका महिला संचारकर्मीहरुको छाता संगठन नारी सञ्चार गृहले बहुउद्देश्यीय लक्ष्य राखेर स्थापना गरेको अक्षयकोषमा गृहकी सदस्य पत्रकार सुनीरा मैनालीले सहयोग रकम प्रदान गरेकी छन् ।

आफुले पत्रकारिता सुरु गरेको ८ बर्ष पार गरेको अवसरमा मैनालीले आफ्नो बिबाहकै दिन उक्त सहयोग रकम प्रदान गरेकी हुन् ।

उनले १८ हजार आठ सय अठासी रुपैयाँ बराबरको चेक संचार गृहका अध्यक्ष भिमा शिवाकोटी, कोषाध्यक्ष, संस्थापक अध्यक्ष सावित्रा दाहाल, कोषाध्यक्ष ज्योत्स्ना श्रेष्ठ, पूर्व सह–सचिब स्वस्तिका आचार्य सहितको टोलीलाई उक्त रकम हस्तान्तरण गरेको सचिव भूमिका लिम्बू फियाकले जानकारी दिईन् ।

सहयोग रकम हस्तान्तरण गर्दै मैनालीका पिताले आफ्नो छोरीको बिशेष दिनमा आफ्नो छोरी जस्तै पत्रकारिता पेशामा लागेका महिलाहरुको उद्देश्यलाई सफल पार्नका लागि सो रकम हस्तान्तरण गर्न पाएकोमा खुसि भएको बताए ।

रकम ग्रहण गर्दै संस्थाकी अध्यक्ष भीमा शिवाकोटीले सदस्य मैनालीलाई बैबाहिक जीवनको शुभकामनासंगै धन्यवाद ज्ञापन गर्दै बिहे पछाडी महिला पत्रकारहरु पत्रकारिताबाट टाढिने ट्रेन्डलाई गलत साबित गर्न आग्रह गरिन् । साथै लगभग दुईवर्ष अघिदेखि शुरु गरेको अक्षयकोषमा हालसम्म १३ लाख बढी रकम संकलन भइसकेको जानकारी दिईन् ।

उक्त रकम हस्तान्तरण कार्यक्रममा नेपाल पत्रकार महासंघ झापाका उपाध्यक्ष एकराज गिरी, सह–सचिब केशब भट्टराई लगायत दुलहीका आफन्तजनहरुको उपस्थिति रहेको थियो ।

झापाका महिला सञ्चारकर्मी सम्वद्ध नारी संचार गृहले २५ लाखको अक्षयकोष स्थापना गर्ने लक्ष्य राखेर रकम संकलन गर्दै आएको छ ।

सम्बन्धित समाचार

३ गते कांग्रेसको देशव्यापी विरोध प्रदर्शन, सक्रिय सहभागी हुन अपिल

काठमाडौं । नेपाली कांग्रेसले संसद विघटनको कदमविरुद्ध देशभर प्रदर्शन गर्ने जनाएको छ । पार्टी सभापति शेरबहादुर देउवाले विरोध प्रदर्शनमा सक्रिय सहभागी हुन अपिल गरेका छन् । कांग्रेसले गत पुस १३ गते १६५ निर्वाचन क्षेत्रमा र...

“आदिवासी जनजाति साहित्यकार महासंघ, नेपाल”को संयोजकमा राजन मुकारुङ्

दमक। आदिवासी जनजाति साहित्यकारहरूको साझा संस्थाका रूपमा ‘आदिवासी जनजाति साहित्यकार महासंघ, नेपाल’को तदर्थ समिति गठन भएको छ । मदनपुरस्कार विजेता साहित्यकार राजन मुकारुङकाे संयोजकत्वमा तदर्थ समिति गठन भएको हो । आज काठमाडौंमा एक कार्यक्रम गरि...

किरात समुदायको कक्फेवा तङ्नाम र थारुहरुको माघीपर्व धुमधाम मनाइदैं

दमक। आज माघ १ गते मक्कर संक्रान्ति अथवा किरातीहरुको यले तङ्बे ५०८१ नयाँ बर्ष मान्ने प्रचलन छ भने आज लिम्बु समुदायहरुले कक्फेवा तङ्नामलाई सांस्कृतिक चार्डको रुपमा मान्ने गर्दछन् । त्यसैगरी माघी पर्वको रुपमा आज थारु...

लिम्बु कथानक चलचित्र ‘थिम’को चिङि्सन्नासाङ बोलको गीत रेकर्ड

काठमाडौं। निर्माणाधिन लिम्बू कथानक चलचित्र ‘थिम्’ को ‘चिङ्सिन्ञासाङ्’ बोलको गीत बुधबार रेकर्डिङ सम्पन्न भएको छ । याक्थुङ फिल्मस प्रा.लि.द्वारा निर्माण हुन लागेको उक्त गीत ललितपुर स्थित ओपेरा रेकर्डिङ स्टुडियो सातदोबाटोमा रेकर्ड गरिएको हो । सागर...