झापा । झापाका उर्जाशिल एवं सक्रिय संचारकर्मी पत्रकार महासंघ झापाका सहसचिव इन्द्रजित मुखियालाई सहारा नेपाल सहकारी संस्थाद्वारा स्थापना गरिएको सहारा पत्रकारिता पुरस्कार प्रदान गरिएको छ । हाल नेपाल टेलिभिजनका झापा संवाददाता रहेका मुखियालाई यसवर्षको उक्त पुरस्कार प्रदान गरिएको हो । उनी बिर्तामोडबाट संचालनमा रहेकोे आँगन एफएमका प्रबन्ध निर्देशक समेत हुन् ।
बिर्तामोडमा मुख्य कार्यालय रहेको सहकारीको २४औं वार्षिक साधारणसभाको अवसरमा मुखियालाई २५ हजार नगद राशिको उक्त पुरस्कार प्रदान गरेको छ । कार्यक्रमका प्रमुख अतिथि प्रदेशका नम्वर १ का भूमि व्यवस्था कृषि तथा सहकारी राज्यमन्त्री रामकुमार रानाले नगदसहित सम्मान व्यक्त गरेका हुन् ।
झापामा अढाई दशकअघिबाट टेलिभिजन पत्रकारिता सुरु गरेका मुखियाले पाएको पुरस्कारको रकममध्ये ५ हजार पाँचसय पच्पन्न रुपैयाँ डिकमान विरही स्मृति पत्रकारिता पुरस्कारको कोषलाई प्रदान गर्ने घोषणा गरेका छन् ।
सहारा सहकारी पत्रकारिता पुरस्कार प्राप्त गर्ने मुखियाले यसअघि नेपाल टेलिभिजनले सहासिक पत्रकारिता र उत्कृष्ट जिल्ला संवाददाताको रुपमा पुरस्कृत गरिसकेको छ ।
आफ्नो कार्यक्षेत्र भन्दा बाहिरको संस्थाबाट प्राप्त पहिलो पुरस्कारले थप जिम्मेवार र लगनशिल भएर काम गर्ने उत्प्रेरणा मिलेको बताएका छन् । उनी झापाको पत्रकारिताको इतिहासमा एक सफल, इमानदार र लगनशिलता भएका पत्रकारको रुपमा चिनिन्छन् ।
सहकारीका कार्यवहाक अध्यक्ष हरिवहादुर निरौलाको अध्यक्षतामा सम्पन्न उक्त कार्यक्रममा सामाजिक विकास राज्य मन्त्री जशमाया गजमेर, नेफ्स्कुनका सदस्य घनश्याम अधिकारी, बिर्तामोड नगरपालिका २ का वडा अध्यक्ष नगेन्द्र संगौला लगायतले मन्तव्य राखेका थिए । सहकारीको बार्षिक नीति तथा कार्यक्रम संस्थाका कार्यकारी निर्देशक महेन्द्र कुमारले प्रस्तुत गरेका थिए ।
दमक । याक्थुङ साहित्य प्रतिष्ठानले दमक–१ स्थित येहाङनगरबाट ‘पाँच बुँदे येहाङनगर घोषणा–पत्र २०७८’ विज्ञप्ति मार्फत जारि गरेको छ । गत शनिबार सम्पन्न प्रतिष्ठानको प्रथम अधिबेसनबाट नव निर्वाचित कार्य समितिका अध्यक्ष सेसेमी से नाल्बो र महासचिव...
लिम्बुवानखबर । जनता समाजवादी पार्टी (जसपा)ले लुम्बिनी प्रदेशमा मन्त्री पदको सपथ लिने ४ नेतालाई निलम्बन गरी २४ घण्टे स्पष्टीकरण सोधेको छ । जसपा लुम्बिनी प्रदेश समितिका अध्यक्ष अशोककुमार यादवले सोमबार विज्ञप्ति जारी गरी मन्त्री पदको...
न्यूयोर्क क्वीन्स। अमेरिकामा बस्दै आएका आदिवासी जनजाति साहित्यकारहरु एकजुट भएका छन् । आइतबार मणि बाङदेल राईको अध्यक्षतामा आदिवासी जनजाति साहित्यकार महासंघ गठन भएको छ ।“साहित्यमा आदिवासी जनजाति सौन्दर्य लेखौ ।” भन्ने नाराका साथ भेला भएको...
दमक। सरकारले आदिवासी जनजाति माथिको औपनिवेशिक नीति रोक्न संघीय लोकतान्त्रिक राष्ट्रिय मञ्च सम्बद्ध संघीय लिम्बुवान मञ्चले चेतावनी दिएको छ । आदिम सृष्टिकालदेखिनै ताप्लेजुङ् जिल्लामा अवस्थित मुक्कुमलुङ हिमालको नाम परिवर्तन गरी पर्वते भाषाकरण गरेकोमा त्यसको विरोध...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८