मिक्लाजुङ् आइतबारेमा नेपाली प्रहरी र शसस्त्रको अस्थायी बेसक्याम्प स्थापना

 लिम्बुवान न्युज
मिक्लाजुङ् आइतबारेमा नेपाली प्रहरी र शसस्त्रको अस्थायी बेसक्याम्प स्थापना

विराटनगर। मोरङको मिक्लाजुङ गाउँपालिकामा नेपाल प्रहरी र सशस्त्र प्रहरीको प्रदेश प्रहरी कार्यालय विराटनगरबाट अस्थायी बेसक्याम्प स्थापना भएको छ ।

मिक्लाजुङ वडा १ बर्खेस्थित सरस्वती आधारभूत विद्यालयका प्रधानाध्यापक शिक्षक राजेन्द्र श्रेष्ठको नेकपा विप्लप समूहद्वारा हत्या भए पछि सोही वडाको आइतबारेमा नेपाल प्रहरी र सशस्त्र प्रहरीको संयुक्त सुरक्षा वेस राखिएको हो ।

सशस्त्र प्रहरी निरीक्षकको नेतृत्वमा ३६ जना र नेपाल प्रहरी निरीक्षकको नेतृत्वमा १५ जनाको टोली उक्त स्थानमा खटिएको छ । आपतकालिन अवस्थामा थप फोर्स समेत परिचालन गर्ने प्रदेश प्रहरीले जनाएको छ । सो बेस कयम्पका दुवै टोलीले विप्लव समूहविरुद्ध संयुक्त रुपमा सर्च अप्रेशन समेत शुरु गरिसकेको छ ।

विप्लव समूह नेकपाका कार्यकर्ताहरुले घरैबाट शिक्षक श्रेष्ठलाई अपहरण गरी बर्वरतापूर्ण घाँटी रेट्दै गत मंगलबार बिहान विभत्स हत्या गरेका थिए । घटनापछि नेपाल प्रहरी र सशस्त्र प्रहरीले मिक्लाजुङको बर्खे, जौबारी, कोलबोटे, कुवापानी, रमिते क्षेत्र लगायत छिमेकी जिल्ला पाँचथर, धनकुटामा पनि सर्च अप्रेशन चलाएको थियो ।

वेसमा खटिएका सुरक्षाकर्मीले सो वार्डमा निर्माण भएको गरिबी निवारण कोष र मिक्लाजुङ गाउँपालिकाको संयुक्त लगानीमा बनेको भवनमा हाल बस्ने व्यवस्था मिलाइएको छ ।

स्थानीय बासिन्दा र सरोकारवाला राजनीति दल सबैले मिक्लाजुङ आसपासका क्षेत्रमा लामो समयदेखि नेपाल वा सशस्त्र प्रहरीको स्थायी पोस्टको माग गर्दै आएका थिए । सो क्षेत्रमा सुरक्षालाई ध्यानमा राख्दै विगत देखि नै सुरक्षा क्याम्प माग गर्दै आईरहेको कुरा प्रदेश सदस्य कुशल साम्बाले समेत जनाएका छन् ।

स्थायी सुरक्षा पोष्टका लागि गृह मन्त्रालयमा समेत लिखित पत्र पठाइएको मोरङका प्रमुख जिल्ला अधिकारी कोषहरी निरौलाले जानकारी दिए । ‘गत मंगलबार नै जिल्ला सुरक्षा समितिले एउटा बेस क्याम्प स्थापनाका लागि लेखिपठाएका छौं ।’ ‘अहिले यस्तो परिस्थितिमा थप घटना हुन नदिन संयुक्त टोली परिचालन भएको छ ।’ उनले भने ।

सम्बन्धित समाचार

दमक उद्योग वाणिज्य संघको २९औं साधारणसभा माघ २३ गते

दमक, माघ १४। दमक उद्योग वाणिज्य संघको २९ औं बार्षिक साधारणसभा हुने भएको छ । हरेक बर्ष ६ भाद्रमा हुँदै आएको संघको बार्षिक साधारण सभा यस बर्ष भने कोरोना महामारीका कारण पाँच महिना ढिलो गरि...

आजबाट कोरोना भाइरसविरुद्धको खोप अभियान शुरु

काठमाडौं । नेपालमा आजबाट कोरोना भाइरसविरुद्धको खोप अभियान शुरु हुनेभएको छ । सरकारले कोरोनाविरुद्धको अभियानमा अग्रपंक्तिमा खटिएका स्वास्थ्यकर्मी, सुरक्षाकर्मी, सफाइकर्मीलगायतलाई पहिलो चरणमा खोप लगाइने जनाएको छ । प्रधानमन्त्री केपी शर्मा ओलीले बालुवाटारबाट भर्चुअल रुपमा विहान...

इलाममा लिम्बुवानको सिसिओ अभियान शुरु

इलाम। संघीय लिम्बुवान मञ्च, नेपालले इलाम जिल्लामा सिसिओ अभियान शुरुभएको उद्घोष गरेको छ । सोमबार देउमाई ५ को धुसेनीमा मञ्चले वार्ड समिति विस्तार, राजनैतिक एजेण्डा वितरण र अन्तरक्रिया कार्यक्रम गरि सिसिओ अभियान शुरु गरेको हो...

दमक जेसीजमा अध्यक्ष सुयोग खरेलको टिमले गरे पदभार ग्रहण

दमक। झापाको दमकमा आयोजित एक कार्यक्रमका बिच जेसीज बर्ष २०२१ को नवनिर्वाचित कार्यसमितिको पदभार तथा सपथ ग्रहण सम्पन्न भएको छ । आज आयोजित कार्यक्रममा बर्ष २०२० का अध्यक्ष कमल कटुवालले २०२१ का नवनिर्वाचित अध्यक्ष सुयोग...