माङसेबुङमा बान्तावा भाषा शिक्षक छनोट सम्पन्न

 लिम्बुवान न्युज
                       

माङसेबुङ। इलामको माङ्सेबुङ ६ मा बान्तावा भाषा शिक्षक प्रतिस्पर्धाबाट छनोट गरिएको छ । चिसोपानी माविमा बान्तावा भाषा शिक्षणको लागि लिखित र मौखिक परीक्षा लिई शिक्षक छनोट गरिएको हो ।

सो शिक्षक पदका लागि भएको प्रतिष्पर्दामा शान्ताकला राई शिक्षिकाको रूपमा छनौट भएको उक्त विद्यालयका शिक्षक सुदीप सिप्तुङखा राईले बताए । चार जना प्रतिस्पर्धी उम्मेदवारहरूमध्येबाट राईलाई छनोट गरिएको हो । उक्त भाषा शिक्षकको अन्य उम्मेदवारहरूमा रश्मी राई, गुञ्जकुमार राई र सविना राई रहेका थिए । वैकल्पिक शिक्षकको रूपमा गुञ्जकुमार राई छानिएका छन् ।

शिक्षक छनोट सोही विद्यालयमा कार्यरत विषय विज्ञ रिपल राईले लिखित परीक्षा लिनुभएको थियो भने अन्तरवार्ता प्रधानाध्यापक तिलविक्रम सुब्बा, विद्यालय व्यावस्थापन समितिका अध्यक्ष ज्योतिकुमार राई र गाउँपालिका शिक्षा शाखा प्रमुख टंक खरेलले लिनुभएको थियो ।

छनोट हुनुभएको शिक्षकलाई प्रावि तहको तलबभत्ता गाउँपालिकाको अनुदानबाट दिइने शिक्षा शाखा प्रमुख खरेलले बताए ।

सम्बन्धित समाचार

चैत्र २५ देखि संघर्ष समितिले निर्णायक आन्दोलन गर्ने

दमक, १६ चैत्र । कोशी प्रदेश नाम खारेजको माग गर्दै आन्दोलन गरिरहेका पहिचानवादीले निर्णायक आन्दोलनका कार्यक्रम घोषणा गरेका छन् । प्रदेश नं १ पुनः नामाङकन संयुक्त संघर्ष समितिले चैत २५ गतेपछि प्रदेश राजधानी विराटनगर केन्द्रित...

कोशी प्रदेश नामाङकनको विरोधमा संघर्ष समितिद्वारा स्थानीय तहमा तालाबन्दी

दमक, १४ चैत । कोशी प्रदेश नामाङकन खारेजीको माग राख्दै आन्दोलनरत प्रदेश नं. १ पुनः नामाङकन संयुक्त संघर्ष समितिले स्थानीय तहहरुमा आजबाट तालाबन्दी शुरु गरेका छन् । प्रदेश १ को नाम पहिचानसहितको पुनः गरिनुपर्ने मुख्य...

लाजेहाङलाई राष्ट्रिय शहीद घोषणा गर्न माग

काठमाडौं, १४ चैत्र । जनता समाजवादी पार्टी (जसपा), नेपालले कोशी प्रदेश नामकरणको विरोधमा भएको आन्दोलनका क्रममा ज्यान गुमाएका पदम लिम्बु (लाजेहाङ्)लाई शहीद घोषणा गर्न माग गरेको छ । जसपाका प्रवक्ता मनिष सुमनले मंगलबार एक विज्ञप्ति...

विराटनगरमा पहिचानवादीहरुको आन्दोलन, हवाई फायर र अश्रुग्याँस प्रहार, २९ भन्दा धेरै घाइते

विराटनगर, १४ चैत्र । मोरङको विराटनगरस्थित होटेल बिगमा कोसी प्रदेशसभाका सांसद सहभागी हुने एक कार्यक्रममा अवरोध गर्न पहिचानवादी नेता–कार्यकर्ताले गरेको प्रदर्शनको क्रम प्रहरी र प्रदर्शनकारी विच झडप हुँदा २९ जना घाइते भएका छन् । दिगो...