काठमाडौं। देशकै सबैभन्दा पुरानो पार्टी नेपाली कांग्रेसले आज सरकार विरुद्ध देशको ७५ वटा जिल्लामा शक्ति प्रदर्शन गरेको छ । बझाङ र मुस्ताङ बाहेक प्रमुख प्रतिपक्षी दल कांग्रेसले ७ प्रदेशका ७५ वटा जिल्ला र विभिन्न मूख्य शहरहरुमा एकै पहिलो पल्ट सरकार विरुद्ध प्रर्दशन गरेको हो ।

गत मंसिर १७ गते तनहुँको व्यास नगरपालिका १ स्थित तालघरे र दुम्सी जोड्ने पुल उद्घाटन गर्न गएका कांग्रेसका बरिष्ठ नेता रामचन्द्र पौडेल माथी अपमान गर्दै प्रहरीले नियन्त्रणमा लिएपछि प्रतिपक्षी दल सरकारसँग आक्रमक भएको थियो । सो बिषयमा कांग्रेस र सत्तारुढ नेकपा बिच विवाद हुँदा जिल्ला प्रशासन कार्यालय तनहुँले निषेधाज्ञा लगाए पछि आन्दोलनलाई थप बल पु¥याएको भन्दै नेपाली कांग्रेसले आज देशै भरी शक्ति प्रर्दशन गर्दै बिरोध गरेको हो ।

झापाको सुरुगाबाट मोटरसाईकल र्याली विर्तामोडको मुक्ति चोक हुँदै विर्तामोडको सुगम पेट्रोल पम्प नजिकैको चौरीमा पुगेर सभामा परिणत भएको छ । कार्यक्रममा करिब १५ हजार कार्यकर्ताहरुको बिच बृहत विरोध सभा गरेको कांग्रेस झापाले जनाएको छ ।

उक्त सभालाई कांग्रेसका सहमहामन्त्री डा. प्रकाश चरण महतले सम्बोधन गरेका थिए । झापाका १५ वटै स्थानीय तहबाट कार्यकर्ताहरु स्वतस्र्फूत उपस्थित भई वर्तमान सरकारका प्रधानमन्त्री केपी शर्मा ओलीको गृहजिल्लामा सरकारको विरुद्ध चर्को नारावाजी लगाएका थिए ।

सरकारले वर्तमान कोभिड १९ मा जनतालाई राम्रोसँग औषधीउपचार गर्न नसकेको प्रति पनि वक्ताहरुले लक्षित गरेर बोलेका थिए । सरकार यो बेला भ्रष्टचारमा लिप्त भएको हुँदा सामान्य विकास निर्माणमा समेत हस्तक्षेपकारी नीति अवलम्बन गरेसँगै आम नागरिक अब सडकमा आउने कांग्रेसले चेतावनी दिएको छ । नेताहरुले बरिष्ठ नेता पौडेल माथि भएको अपमान अब सहेर बस्न नसक्ने अब सरकारको विरुद्ध अन्य थाप कार्यक्रमहरु समेत ल्याउन सक्ने चेतावनी दिएका छन् ।