पाँचथर। याक्थुङ फिलिम्स प्रा.लि को व्यानरमा निर्माणमा रहेको लिम्बु संस्कृतिमा आधारित नेपाली कथानक चलचित्र “फुङ्वामा” सार्वजनिक भएको छ । यस चलचित्रलाई ‘याक्थुङ फिलिम्स’ नामक युट्युब च्यानलबाट सोमबार सार्वजनिक गरिएको हो ।

चन्द्र माङ्मुको लेखन रहेको उक्त चलचित्रमा कलाकारहरु प्रेम सुब्बा र सोभा खजुम मुख्य भुमिकामा देखिएका छन् । चलचित्रलाई अरुण प्रधानले संवाद, सम्पादन, निर्देशन गरेका हुन् । प्रेम पन्धाकको संगीत रहेको उक्त चलचित्रको गीतमा गायक लिलाराज जबेगु र गायिका मनु नेम्बाङले आवाज भेरेका छन् ।

यस लिम्बु संस्कृतिमा आधारित मौलिक चलचित्रलाई पाँचथरको विभिन्न रमणिय स्थलहरुमा छायांकन गरिएको छ । चलचित्रमा टिकाहाङ जबेगु, सागर केरुङ र याम कुरुम्बाङको संयुक्त लगानी रहेको छ ।

(भिडियो तल हेर्नुहाेला)