साहित्यकार पुष्प सुब्बा थाम्सुहाङकाे स्मृति ग्रन्थ प्रकाशन हुने

 लिम्बुवान न्युज
साहित्यकार पुष्प सुब्बा थाम्सुहाङकाे स्मृति ग्रन्थ प्रकाशन हुने

झापा। साहित्यकार पुष्प थाम्सुहाङ ‘असित’को स्मृतिग्रन्थ प्रकाशन हुने भएको छ । नेपाली साहित्यमा अहोरात्र खटिनुभएका थाम्सुहाङ शिक्षण पेसामा आवद्ध हुनुका साथै भाषा साहित्यमा लाग्दा धेरै समस्या भोगेका व्यक्ति हुन् ।

थाम्सुहाङका छोरा वरुमहाङ थाम्सुहाङले सामाजिक संजाल फेसबुक मार्फत स्मृतिग्रन्थको प्रकाशन समूह चलाएका छन् । यसै मार्फत रचनाको आव्हान गर्ने, सम्पादन÷प्रकाशनको तयारी गर्ने जानकारी वरुमहाङले दिएका छन् ।

को हुन् पुष्प सुब्बा थाम्सुहाङ ‘असित’ ?

वि.सं. २००५ माघ ६ गते, लुङजक्थबा याङ्नाम पाँचथरमा जन्मिएका हुन् पुष्प सुब्बा थाम्सुहाङ । उनका अदृश्य व्यथा (उपन्यास), इन्द्रकीलको एक तारा (जीवनी, २०३१), लिम्बू छन्दहरु (२०५८), इत्निमहा? (लिम्बू खण्डकाव्य, २०६०), लिम्बू भाषाः साहित्यिक श्रष्टा र दृष्टिकोण (२०६१), नाम्दुक्वामा फुङ (लिम्बू उपन्यास), घाम नलागेको बस्ती (कविता सङ्ग्रह) प्रकाशन भएका छन् । त्यसैगरी सिरिजङ्गा (२०२९), नीलिमा (२०४९) र थाङसाङ आदि साहित्यिक पत्रिकाको सम्पादनसमेत गर्नुभएको छ । थाम्सुहाङले पुरस्कारश्रष्टा पुरस्कार (इ.सं. १९९१, सिक्किम, भारत), राष्ट्रिय पुरस्कार (२०६६) तथा इमानसिंह चेम्जोङ पुरस्कार पनि प्राप्त गरेका छन् ।

किरात येले सम्बतका सम्वाहक थाम्सुहाङ

लिम्बू भाषामा सर्वप्रथम ‘किरात येले तङ्बे’को प्रचलन २०२९ सालदेखि प्रचलनमा आएको हो । पुष्प थाम्सुहाङ ‘असित’को सम्पादन तथा प्रकाशनमा वि.सं. २०२९ (सन् १९७२) काप्मेप्पा (जेठ) महिनामा लिथो गरेर हस्तलिखित ‘सिरिजंगा’ मासिक प्रकाशनमा आएको थियो ।

उक्त पत्रिकाको वर्ष १, अंक ७, वि.सं. २०३० थेसेक्रो (कातिक) मा पहिलो चोटी ‘किराती तङ्बे (संवत) ५०७३’ उल्लेख गरेका थिए । त्यो नै किरात सम्वतको सुरुआती कदम थियो । त्यसैले उनलाई किरात येले सम्वतको शुरुवातकर्ताको रुपमा लिने गरिन्छ ।

सम्बन्धित समाचार

नेपाल स्टार टप ५ का प्रतिस्पर्धी लक्ष्मण लिम्बु धरानमा

धरान। सुनसरी चुम्लुङ् हिम धरानमा नेपाल टेलिभिजनबाट प्रसारित वाईवाई नेपाल स्टारको टप ५ मा पर्न सफल लक्ष्मण लिम्बुले आफ्नो प्रस्तुति दिएका छन् । “कला र संस्कृतिलाई सम्बृद्धि बनाऔं, गायक लक्ष्मण लिम्बुलाई जिताऊ” भन्ने नाराका साथ...

लिम्बुवान मञ्च दमकको बनभोज कार्यक्रम सम्पन्न

दमक।संघीय लिम्बुवान मञ्च, नेपाल दमक नगर समितिले बनभोज कार्यक्रम आयोजना गरेको छ । इलाम चुलाचुली ५ को पर्यटकीय क्षेत्र चपेटीमा उक्त कार्यक्रम आयोजना गरिएको हो । लिम्बुवान मञ्च दमक नगरका अध्यक्ष याम लिम्बुले नगर समिति...

पाँचथर महासंघको साधारणसभाबाट ४ जना पत्रकार पुरस्कृत

फिदिम। इगल एफ एम पाँचथरका स्टेसन म्यानेजर उपेन्द्र येक्तेनसहित पाँचथरका ४ जना पत्रकार पुरस्कृत भएका छन् । नेपाल पत्रकार महासंघ पाँचथर शाखाको शुक्रवार बार्षिक साधारणसभा कार्यक्रमबाट पुरस्कृत भएका छन् । काम चलाउ सरकारका भौतिक पुर्वाधार...

लिम्बुवान मञ्चको पान्थर जिल्ला अधिवेशन फाल्गुन दोस्रो सातामा

फेदेन। संघीय लोकतान्त्रिक राष्ट्रिय मञ्च अन्तर्गतको संघीय लिम्बुवान मञ्च, नेपाल पान्थरको जिल्ला अधिवेशन फागुन दोस्रो सातामा हुने भएको छ । आज फान्दरको फिदिममा पत्रकार सम्मेलनको आयोजना गर्दै अधिवेशन फागुनको १४, १५ र १६ गते फिदिममा...