उर्लाबारी। मोरङको रतुवामाई नगरको इटहरामा संघीय लिम्बुवान मञ्च, नेपालले भेटघाट तथा अन्तरक्रिया कार्यक्रम गरेको छ । मञ्चका संघीय अध्यक्ष कुमार लिङदेन मिराकको समेत उक्त अन्तरक्रिया कार्यक्रममा उपस्थिति रहेको थियो ।

कोरोना संक्रमणको विच पनि सामाजिक दुरी कायम गर्दै मञ्चले अहिले झापा, मोरङ् र सुनसरी जिल्लाका विभिन्न स्थानीय तहमा भेटघाट तथा अन्तरक्रिया गर्नुका साथै समिति गठनहरु समेत गरिरहेको छ ।

बुधबार इटहरामा भएको भेलाले हालको स्थानीय तह समायोजन भएपछि बनेको रतुवामाई नगरको शंकर थक्लुङ्को संयोजकत्वमा समिति गठन गरेको छ । समितिको सहसंयोजक डम्बर आङबुहाङ, सचिव थुम बहादुर भण्डारी, अर्थसचिव भिम लिम्बु छन् भने त्यसैगरी सदस्यहरुमा कृष्णलाल लिवाङ, काली बहादुर लिवाङ, दिनेश लिवाङ, दिपाल माखिम, शिशिर राई, रत्न बहादुर लिम्बु, सुकराज नियोङ, लिलावती पोमु, रीता सावादेन र सुर्य वनेम रहेका छन् ।

कार्यक्रममा मञ्चका महासचिव शान्ता योङहाङ, सचिव राजु राई, संघीय सदस्यहरु चन्द्र कन्दङ्वा, सुर्य लिम्बु लगायत नेताहरुको उपस्थिति रहेको लिम्बुवान भोलेन्टियर्सका कमाण्डर राजु लिम्बुले बताए ।

त्यसैगरी सोमबार मञ्चले कानेपोखरी गाउँपालिकाको हरकपुरमा समेत अन्तरक्रिया कार्यक्रम गरेको थियो ।