काठमाडौं। संसदमा तेस्रो शक्तिको रुपमा रहेको जनता समाजवादी पार्टीले मुद्दा मिल्ने दलहरुसँग वार्ता गर्ने समिति बनाएको छ । पहिचान, संघीयता, धर्मनिरपेक्ष साथै संघीय लोकतान्त्रिक गणतन्त्र, समानुपातिक समावेशी लगायत राजनीतिक मुद्दा मिल्ने दलहरुसँग वार्ता गर्न समिति बनेको हो ।

राजनीतिक मुद्दा मिल्ने दलहरुसँग वार्ता गर्न तीन सदस्य वार्ता समिति बनाएको छ । जसपाले वार्ताका लागि केन्द्रीय कार्यकारिणी सदस्यहरु हेमराज राई, नवराज सुवेदी र केशव झालाई जिम्मेवारी दिएको जनाएको छ ।

जसपाका कार्यालय प्रमुख प्रकाश अधिकारीले एक विज्ञप्ति जारी गर्दै मुद्दा मिल्ने दलहरुसँग वार्ता गरी एकता गर्नका लागि तीन नेताहरुलाई जिम्मेवारी दिइएको जानकारी गराएका हुन् ।