इसिबु कृषि सहकारी संस्थाको ७औं बार्षिक साधारणसभा सम्पन्न

 लिम्बुवान न्युज
                       

तेह्रथुम। तेह्रथुमको फेदाप ५ स्थित इसिबु कृषि सहकारी संस्था लिमिटेडको ७औ बार्षिक साधारणसभा सम्पन्न भएको छ । साबिक इसिबु ३ मा अवस्थित श्री सिंहवाहिनी आधारभुत विद्यालयको प्राङ्गणमा बार्षिक साधारणसभा सम्पन्न भएको हो ।

आब ०७६/०७७ को बार्षिक आयव्यय ३ लाख ३ हजार ४ सय ५३ प्रस्तुत गरिएको थियो । २१४ जना सेयर सदस्य रहेको यस सहकारीमा २ लाख २५ हजार सेयर पुजी रहेको छ । साधारणसभाको उद्घाटन सभामा सहकारी संस्थाका अध्यक्ष सेसेहाङ हुक्पाचोङबाङले संस्थागत प्रतिवेदन प्रस्तुत गर्नुभएको थियो ।

उक्त प्रतिवेदनमा संस्थाको आगामी रणनीति तथा कार्यक्रम समेटिएको छ । फेदाप ५ का वडासदस्य श्री चइन्ध्वज फोम्बोको प्रमुख आतिथ्यमा सम्पन्न साधारणसभाको विशेष अतिथि वडामहिला सदस्य पदम कुमारी चोङबाङ् रहनुभएको थियो । साधारणसभाको उद्घाटन सत्रलाइ सम्बोधन गर्दै प्रमुख अतिथि फोम्बोले गाउँको व्यावसायिक क्षेत्रमा सहकारीले खेलेको भुमिका प्रति प्रसङ्ग गर्नुभएको थियो । फोम्बोले यस सहकारीको बिकास र उन्नतिका लागी स्थानीय सरकार लागी पर्ने र सदैब सहयोग गर्ने बिचार व्यक्त गर्नुभयो ।

उद्घाटन कार्यक्रममा बिशेष अतिथि पदमकुमारी चोङबाङ, समाजसेवी तिलबिक्रम चोङबाङ र नरपती चोङबाङ लगायतले आफ्नो मन्तव्य राख्नुभएको थियो ।
साधारणसभाको उपलक्ष्यमा यस संस्थाका सेयर सदस्य तथा निर्वाचित वडा महिला सदस्य पदमकुमारी चोङबाङलाई सम्मान समेत गरिएको थियो । कार्यक्रम सहकारी संस्थाका अध्यक्ष सेसेहाङ हुक्पा चोङबाङको अध्यक्षतामा सम्पन्न भएको थियो भने स्वागत मन्तव्य संस्थाका उपाध्यक्ष लक्षमण चोङबाङले राखेका थिए साथै कार्यक्रम संचालन सञ्जय चोङबाङले गरेका थिए ।

सम्बन्धित समाचार

दमकमा तीन दिने माेवाइल पत्रकारिता तालिम हुने

दमक,असार ५ । झापाको दमकमा ३ दिने मोबाइल पत्रकारिता तालिम हुने भएको छ । झापा जिल्लाको माइ पश्चिम तथा इलामको माङसेबुङ र चुलाचुली गाउँपालिकको साझा संस्था पत्रकार मञ्च दमकको आयोजनामा दमक ८ स्थित मञ्चको सभाहलमा तालिम...

याक्थुङ मुन्चइत् चोक सयङको अध्यक्षमा सागर केरुङ् निर्वाचितः १३ बुँदे प्रस्ताव सार्वजनिक

ललितपुर, ५ असार । याक्थुङ मुन्चइत् चोक सयङको चौथो राष्ट्रिय महाधिवेशन काठमाडौंस्थित् चुम्लुङहिममा सम्पन्न भएको छ । मंगलबार र बुधबार (आज) दुई दिन संचालन भएको कार्यक्रमले सागर केरुङको अध्यक्षतामा नयाँ कार्यसमिति चयन गर्दै सम्पन्न भएको...

प्रदेश १ पुनः नामाङकन संयुक्त संघर्ष समितिद्वारा ११ बुँदे निर्णय सार्वजनिकः मंसिर २ गते विराटनगरमा विशाल जनप्रदर्शन

ताप्लेजुङ, फुङ्लिङ्, २ असार । प्रदेश नं. १ पुनः नामाङकन संयुक्त संघर्ष समितिले नयाँ चरणको आन्दोलन सुरु गर्ने घोषणा गरेको छ । ताप्लेजुङको फुङलिङ बजार स्थित स्नो लियोपार्ड होटलमा बसेको दुई दिने बैठकको अन्तिम दिन...

प्रदेश १ पुनः नामाङकन संयुक्त संघर्ष समितिको दुई दिने बैठक बस्दैः राजनैतिक मोर्चा गठनबारे छलफल हुने

ताप्लेजुङ, फुङलिङ् १ असार । ताप्लेजुङको फुङ्लिङस्थत बजारमा प्रदेश १ पुनः नामाङकन संयुक्त संघर्ष समितिको दुई दिने भौतिक बैठक आजबाट बस्दैछ । प्रदेश १ को नाम कोशी खारेज गर भन्ने नाराका साथ असार १ र...