शिवसताक्षीको झिलझिलेमा निर्मित “वाटर किङडम पार्क एण्ड रिसाेर्ट” सञ्चालनमा आयो

 लिम्बुवान न्युज
शिवसताक्षीको झिलझिलेमा निर्मित “वाटर किङडम पार्क एण्ड रिसाेर्ट” सञ्चालनमा आयो

शिवसताक्षी। झापाको शिवसताक्षीमा करिव रु २८ करोडको लागतमा अत्याधुनिक “वाटर किङडम पार्क एण्ड रिसाेर्ट” सञ्चालनमा आएको छ । झिलझिलेमा निर्मित पार्क कोरोना भाइरसको संक्रमणसँगै भएको लकडाउनले संचालनमा ढिलाई भएपनि एक साताअघि देखि सर्वसाधारणका लागि खुल्ला गरिएको हो ।
पार्कको विधिवत उदघाटन भने गर्न केही दिन लाग्ने सञ्चालक राजकुमार संग्रौलाले जानकारी दिएका छन् । आन्तरिक तथा बाह्य पर्यटकलाई लक्षित गरि सञ्चालनमा आएको अत्याधुनिक पार्क २ विगाह क्षेत्रफलमा फैलिएको छ । वाटर पार्क बनाउन करिब २ वर्ष लागेको सञ्चालक संग्रौलाले बताए ।

पार्क परिवार मैत्री भएको हुँदा बालबच्चासहित सबै उमेर समूहका मानिसहरु रमाउन सकिने गरि मनोरञ्जनका संरचनाहरु निर्माण गरिएका छन् ।
‘देशमा कोरोना संक्रमणले गरिएको लकडाउन नभईदिएको भए त १५ महिना अगावै निर्माण सक्ने योजना थियो,’ सञ्चालक संग्रौलाले भने ।

पार्कभित्र होटल, रेष्टुरेन्ट, वार र क्यासिनो पनि सञ्चालनको तयारीमा छन् । पार्कमा आउने पर्यटकका लागि आवश्यक पर्ने यी सुविधा यसै साता देखिनै पूर्ण रुपमा सञ्चालनमा ल्याउने तयारी भएको संग्रौलाले बताए ।

पार्कमा जिप लाईनका दुई आईटम सिङगल र सुपरमेन सुरु भएका छन् । यो खेल साहसिक खेल हो । जमिनबाट ५८ फिटको उचाईमा रहेको १५८ मिटर दुरीको जिपलाईन सञ्चालन भइरहेको छ । उद्धघाटन पूर्व पार्कले निर्धारण गरेको मूल्यमा छुट दिएर जिप लाईन सञ्चालन भईरहेको उनले बताएका छन् ।

माघपछि पार्क भित्र पानीको सहायतामा खेलिने १३ प्रकारका खेल सुरु हुने संचालक संग्रौलाले बताए । झापाका १५ स्थानीय तह मध्ये शिवसताक्षी नगरपालिका धार्मिक, सांस्कृतिक दृष्ट्रिकोणले समेत महत्वपूर्ण नगर भएको हुँदा पौराणिक कथासँग जोडिएका यहाँका सताक्षीधाम, चिल्लागढ, कन्काई नदी र दोमुखा पर्यटकीय क्षेत्र मानिन्छन् । बर्षेनी लाखौं आन्तरिक एवं बाह्य पर्यटकहरु यहाँ आउने गर्छन् ।
अब नगर भित्र अर्को अत्याधुनिक प्रकृतिको पार्क निर्माण भएपछि सबै उमेर समूहका मानिसले थप मनोरञ्जन लिन सक्ने शिवसताक्षी नगरका उद्योग बाणिज्य संघका कोषाध्यक्ष कृष्ण खरेलले वताए ।

उक्त वाटर पार्क खुल्ला हुन थालेपछि यहाँ आएर फोटो खिच्ने, जिपलाईनको मज्जा लिनेको संख्या दिनानु दिन बढ्न थालेको छ ।

सम्बन्धित समाचार

प्रवासी विष्णु इङ्नामको “औठी बैना” भिडियो सार्वजनिक

दमक, माघ ६। लामो समयदेखि हङकङ्मा रहेर पनि नेपाली गीत संगीतलाई माया गर्ने गीतकार तथा मोडल विष्णुकुमार इङनामको “औँठी बैना” बोलको म्युजिक भिडियो सार्वजनिक भएको छ । विष्णुकुमार इङनाम युट्युब च्यानलबाट सार्वजनिक गरिएकोे उक्त गीतमा...

चन्द्रदर्शन सहकारीको अध्यक्षमा शान्ताकुमार विजयी

दमक, माघ ६।  झापाको कमल ५ स्थित चन्द्रदर्शन बचत तथा ऋण सहकारी संस्थाको नयाँ सञ्चालक समिति चयनका लागि भएको निर्वाचनको मतपरिणाम सार्वजनिक भएको छ । गएराती सम्पन्न मत परिणाम अनुसार संस्थाको अध्यक्षमा शान्ताकुमार राई विजयी...

दमकमा प्रचण्ड–माधव समूहको वृहत भेला सम्पन्न

दमक, माघ ६ । प्रधानमन्त्री ओलीको गृहनगरमा नेकपाको प्रचण्ड–नेपाल समूहको नगर स्तरीय बृहत भेला गरेको छ । उक्त कार्यक्रमलाई चर्चित महिला नेतृ रामकुमारी झाँक्रीले सम्बोधन गरेकि छिन् । उनले संसद विघटन गर्ने असंबैधानिक कदम नसच्चिए...

चुम्लुङ् झापाको अधिवेशन फागुन २८ र २९ मा हुने

झापा । किरात याक्थुङ् चुम्लुङ झापाको ११ औ जिल्ला अधिवेशन आगामी फागुन २८ र २९ गते विर्तामोडमा हुने भएको छ । सोमबार बसेको नियमित जिल्ला कार्य समितिको बैठकले जिल्ला अधिबेशनको मिति तय गरेको हो ।...