काठमाडौं। सत्तारुढ दल भित्र भईरहेको विवादले हरेक क्षेत्रमा हारको संकेत दिन थालेको राजनीति वित्तमा बहस शुरु भएको छ । यसैको परिणाम शनिबार सर्वोच्च अदालत बार एशोसिएसनको निर्वाचनमा लोकतान्त्रिक समुहले दुई तिहाइको बर्चश्व कायम गर्दै विजय प्राप्त गरेको छ ।

सर्वोच्च बारमा शनिबार भएको निर्वाचनमा लोकतान्त्रिक समुहबाट वरिष्ठ अधिवक्ता पुर्णमान शाक्यको समुहले १५ सदस्यीय कार्य समितिमध्ये महत्वपूर्ण पदसँगै दुई तिहाई पदहरुमा विजय प्राप्त गरेको हो ।

लोकतान्त्रिक समहुबाट पदाधिकारीमा अध्यक्ष शाक्य सहित सचिव ऋषिराम घिमिरे र कोषाध्यक्षमा बिनोद कार्कीले विजयी भएका छन् । उपाध्यक्षमा प्रगतिशिल समुहका मुकुन्दप्रसाद पौडेल निर्वाचित भएका छन् । त्यसैगरी सहसचिवमा शर्भिला श्रेष्ठले जितेका छन् भने महिला सदस्यमा अमिता गौतम पौडेल विजयी भएकी छन् । सर्वोच्च बारमा प्रजातान्त्रिक समुहबाट वरिष्ठ अधिवक्ता शाक्य र प्रगतिशिलबाट वरिष्ठ अधिवक्ता रबीनारायण खनालको समुह प्रतिस्पर्धामा उत्रिएका थिए । निर्वाचित अध्यक्ष शाक्य नेपाल ल क्याम्पसमा प्राध्यापन समेत गर्छन ।

सर्वोच्च बारमा हालल ६०५ मतदाता रहेको छ । जसमध्ये ५५५ मत खसेको थियो । अधिवक्ता बासुदेव शर्माका अनुसार ६०५ मतदाता मध्ये करिव एक सय मतदाता तटस्थ थिए । तटस्थहरुको मत शाक्य पक्षधरले बढी तानेपछि उनको समुह निर्वाचित भएको हो ।

सर्वोच्च बारको कार्य समिति १५ सदस्यीय छ । नेपाल बार एशोसिएसन देशभरीका अधिवक्ताहरुको संस्था हो भने सर्वोच्च अदालतबार सर्वोच्च अदालतभित्र रहेका अधिवक्ताहरुको समुहको हो ।