इलाम। इलामको देउमाई नगरपालिका ५ चिधुवामा युमा साम्यो महासभा तदर्थ समिति गठन भएको हो । शनिबार तुत्तु फेदाङमा दल बहादुर तुम्बाहाम्फेको अध्यक्षतामा भएको भेलाले वडा तदर्थ समिति गठन भएको हो ।

ढोग प्रसाद तुम्बाहाम्फेको अध्यक्षतामा ९ सदस्यीय युमा साम्यो महासभा वडा नं. ५ तदर्थ समिति गठन भएको छ । समितिको उपाध्यक्षमा दल बहादुर तुम्बाहाम्फे, सचिवमा राजकुमार तुम्बाहाम्फे, कोषाध्यक्षमा चन्द्रमाया तुम्बाहाम्फे त्यसैगरी सदस्यहरुमा सागर तुम्बाहाम्फे, रणबहादुर तुम्बाहाम्फे, मन बहादुर तुम्बाहाम्फे, मनिता तुम्बाहाम्फे र शिवकुमार तुम्बाहाम्फे रहेका छन् ।

सोही भेलाले चार सदस्यीय सल्लाहकार समिति पनि गठन गरेको छ । भक्तबहादुर तुम्बाहाम्फेको संयोजकत्वमा अमर चेम्जोङ, इमानसिं तुम्बाहाम्फे, र आइतबहादुर फियाक सदस्य रहेका छन् । त्यसैगरी यमा साम्यो वचत उपसमितिको अध्यक्षमा रणबहादुर तुम्बाहाम्फे, सचिवमा राजकुमार तुम्बाहाम्फे, कोषाध्यक्षमा उर्मिला तुम्बाहाम्फे र सदस्यमा दिलकुमारी तुम्बाहाम्फे रहेका छन् ।

युमा साम्यो महासभाले आगामी ०७८ सालमा सम्पन्न हुने राष्ट्रिय जनगणनामा युमा धर्म लेख्न अपिल गर्दै आएको छ ।