धरान। लिम्बुवान राष्ट्रिय मोर्चा, नेपालले प्रधानमन्त्री केपी शर्मा ओलीले संसद विघटन गरेर बलिदानपूर्ण संघर्षद्वारा प्राप्त भएको राजनीतिक परिवर्तन तथा उपलब्धिमाथि नांगो प्रहार भएको ठहर गरेको छ ।

मोर्चाका संयोजक मुकसामहाङ मेन्याङबो (मुकेश) र सह–संयोजक त्रिवेणी चोङबाङ द्वयद्वारा सोमबार जारी गरेको विज्ञप्तिमा राष्ट्रपति विद्या देवी भण्डारी समेतले सरकारको गलत सिफारिसलाई स्वीकार गर्नु आपत्तिजनक भएको उल्लेख गरिएको छ । यस्तो असंवैधानिक, निरंकुश, अलोकतान्त्रिक, पश्चगामी र जनभावना एवं राजनीति विपरित स्वेच्छाचारी कदमको मोर्चाले घोर विरोध एवं भत्र्सना गरेको छ ।

मोर्चाले ओलीको यसखालको कदमको कडा प्रतिवाद गर्दै लोकतान्त्रिक गणतन्त्रको पक्षमा एकताबद्ध हुन आह्वान समेत गरेको छ ।