विर्तामोड। किरात याक्थुङ चुम्लुङ जिल्ला कार्य समिति झापाको आयोजनामा कियाचु भवन जग्गादाता स्वः नरेन्द्र बहादुर आङबुहाङ ९४ औं जन्मजयन्ती तथा कुसङ्हिम थक्थाम्मा , तङसिङ अनुष्ठान समारोह चुम्लुङ्हिम् कार्यालय परिसरमा सम्पन्न भएको छ ।
किरात याक्थुङ् चुम्लुङ् केन्द्रीय सल्लाहकार जित बहादुर लाओतीको प्रमुख आतिथ्यतामा सम्पन्न कार्यक्रममा कियाचु केन्द्रीय सदस्य पुर्ण हाङस्रोङ, हल्दिबारी गाउँपालिका अध्यक्ष रबिन्द्र लिङदेन, कियाचु लिम्बुवान प्रदेश सदस्य इक्साहाङ चेम्जोङ, कियाचु राष्ट्रिय चुम्लुङ् सदस्य अमृत योङहाङ, कियाचु बिर्तामोड कार्य समिति अध्यक्ष धर्म लक्सम्बा लगायतले आफ्नो मन्तव्य राखेका थिए ।
किरात याक्थुङ् चुम्लुङको कार्यालय भवन निर्माण गर्न १ कट्ठा ७ धुर जग्गा र भवन निर्माण आर्थिक रकम समेत उपलब्ध गराई दिनुहुने दिवंगत प्रातस्मरणीय दानवीर स्व. नरेन्द्र बहादुर आङ्बुहाङको जीवनचर्चा विशेष आमन्त्रित किरात याक्थुङ् चुम्लुङ् झापाका अध्यक्ष भक्त खेवाङ्ज्यूले गर्नुभएको थियो । कार्यक्रममा चुम्लुङ्हिम् परिसरमा स्थापना गरिएको स्व. नरेन्द्र बहादुर आङ्बुहाङ् र वहाँका धर्मपत्नी स्व. कमलादेवी आङ्बुहाङको अर्धकद्को शालिकमा माल्यार्पण गरिएको थियो ।
सोही अवसरमा चुम्लुङ् झापाको रिक्त पदमा मनोनित ४ जना सदस्यहरू कालीबहादुर खेवाङ्, सन्तोष योङ्या, प्रेमचन्द्र लिम्बू र डिल्लीश्वर मुसाहाङ् लाई पद तथा गोपनियताको सपथग्रहण प्रमुख अतिथि लावतीले गराउनुभएको थियो ।
कार्यक्रममा झापा जिल्लाका नगर, गाउँ र वडाका पदाधिकारी तथा सदस्यहरूको उपस्थिति रहेकोे थियोे भने तङ्सिङ् अनुष्ठान स्थानीय साम्बा लालबहादुर लिम्बुले मुन्धुम वाचन सहित सम्पन्न गरेका थिए ।
समारोह तथा अनुष्ठान कियाचु कार्यवाहक अध्यक्ष सेसेहाङ फियाकको अध्यक्षता साथै स्वागत मन्तव्य जिल्ला कोषाध्यक्ष गुमानसिं सम्बाङफे राखेका थिए भने कार्यक्रम संचालन जिल्ला सह–सचिव कबिन्द्र सेर्माले गरेका थिए ।
ललितपुर, ताप्लेजुङस्थित धार्मिक तथा सांस्कृतिक आस्थाको केन्द्र मुक्कुमलुङमा निर्माण गर्न लागिएको केवलकार परियोजनाको विरोधमा काठमाडौँको माइतीघरमा विरोध प्रदर्शन गरिएको छ । याक्थुङ (लिम्बु) समुदायको आस्थाको धरोधर मास्न पाइदैन भन्दै आदिवासी जनजाति महासंघ, किरात याक्थुङ चुम्लुङ...
दमक, झापाको दमक नगरपालिकाको आयोजनामा दोस्रो दमक नगरस्तरीय खेलकुद महोत्सवको उद्घाटन भएकाे छ । आइतबार दमक नगरपालिकाको प्राङ्गगणबाट दमक ७स्थित नमुना व्याट्मिन्टनको सभाहलसम्म विभिन्न झाँकी सहित खेलकुद महोत्सवको उद्घाटन गरिएकाे हो । खेलकुद महोत्सवमा फुटबल,...
फेदेन। पान्थर जिल्लाको फेदेनस्थित होटल सरगमको सभाहलमा सनिवार आयोजित याक्थुङ साहित्यको सिन्थेसिस’ कार्यक्रममा सात जना स्रष्टाका एक दर्जन कृतिहरू एकैसाथ लोकार्पण गरिएको छ । प्रमुख अतिथि किरात याक्थुङ् चुम्लुङ चुम्लुङका सङघीय अध्यक्ष तुत्तु गोविन्द आङ्बुङको...
सेसेहाङ चाेडबाङ फेदाप । तेह्रथुम जिल्लाको फेदाप गाउँपालिका–१, सिम्ले मयन्तापा टारीमा रहेकाे महानन्द निङ्लेखु सङ्ग्रहालय तथा अनुसन्धान केन्द्रको विभिन्न सास्कृतीक कार्यक्रमहरू सहित अाज उद्घाटन गरिएकाे छ। कार्यक्रमका प्रमुख अथिती माननीय सन्तोष निङलेखुले पानसमा बत्ती बालेर...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७