धरान। संघीय लोकतान्त्रिक राष्ट्रिय मञ्च तथा संघीय लिम्वुवान मञ्च, नेपाल सुनसरी जिल्ला समितिले केपी ओली सरकारले असंवैधानिक कदमबाट प्रतिनिधिसभा विघटन गरेकोमा विरोध गरेको छ ।
मञ्चले एकात्मकवादी नश्लिय दुई तिहाई कम्यूनिष्ट सरकारको आन्तरिक पार्टीको किचलो र सत्ता मोहको कारण प्रतिनिधिसभा विगठन भएको ठहर गर्दै धरानको भानुचोकमा कोणसभा गरि वर्तमान सरकारकाे विराेध गरेकाे हो ।
आगामी २०७८ साल बैसाख १७ र २७ गते गरी प्रतिनिधि सभाको निर्वाचन गर्ने गरी ल्याएको अध्यादेश आफैमा त्रुटिपूर्ण भएको लिम्बुवान नेताहरुको टिप्पणी रहेको छ । एक दशकमा गरिने जनगणना पनि यहि बर्ष गर्नु पर्ने, कोरोना संक्रमणले राष्ट्र थलिएको हुँदा यस्तो भयाभव अवस्थामा पार्टीको आन्तरिक किचलोलाई घर बाहिर निकाली जनताको दुई तिहाई बहुमतलाई कुल्चेर प्रधामन्त्री केपी ओलीको जंग बहादुर शैलीले मूलक द्वन्द्व तर्फ धकेलिएको नेताहरुले बताएका छन् । त्यसैगरी संसद विघटनको प्रस्तावलाई राष्ट्रपति विद्यादेवी भण्डारीले अनुमोदन गरेर संघीय लोकतान्त्रिक गणतन्त्र नै धरापमा पारेको आरोप लगाएका छन् । साथै मुलुक दिनदिनै आर्थिक रुपमा टाट पल्टिरहेको अवस्थामा प्रत्येक नेपालीको टाउँकोमा सरकार ऋण थपिरहेको नेताहरुले आरोप लगाएका छन् ।
नेपाली जनताको लामो बलिदानीबाट देश संघीयता तर्फ उन्मुख भईरहेको बताउँदै लिम्बुवान नेताहरुले पहिचान, अस्तित्वलाई धरासय बनाई राज्यको ढिकुटी रित्तो बनाउने नेकपालाई एकदिन जनताको जनादेशले सराप्ने बताएका छन् । कोणसभामा मञ्चका केन्द्रीय सचिव तथा सुनसरी जिल्ला इन्चार्ज भुपेन्द्र सुन्दर लावती, संघीय दलित शिल्पी मञ्चका अध्यक्ष रमेश गजमेर, लिम्बुवानका केन्द्रीय सचिवालय सदस्य कुमार फेम्सोहाङ, विद्यार्थी नेता डिल्ली लुम्फुङ्वा, महिला नेत्री सरस्वति सुब्बाले मन्तव्य राखेका थिए ।
कार्यक्रम धरान उपमहानगरपालिकाका अध्यक्ष सञ्जुहाङ सावाको संयोजकत्वमा जिल्ला सचिव निर्मल राईले संचालन गरेका थिए । भानुचोकमा गरिएको विरोधसभामा लिम्बुवान भोलेन्टियर्सले टायर बालेर नालायक सरकारकाे विरोध गरेका थिए ।
दमक । किरात याक्थुङ चुम्लुङले लिम्बुवान र तत्कालीन गोर्खा राज्यबीच भएको ऐतिहासिक नुनपानी सन्धिको २५२औँ वर्ष स्मरण गर्दै प्रधानमन्त्रीका नाममा ज्ञापनपत्र बुझाएको छ । किरात याक्थुङ चुम्लुङ केन्द्रीय कार्यसमितिको समन्वयमा विभिन्न संघसंस्था र राजनीतिक दलका...
प्रवास । मलेसियाको जोहोर बारुस्थित JO Hotel JB मा आयोजित किराँत याक्थुङ चुम्लुङ जोहोरको प्रथम अधिवेशन–२०२६ सम्पन्न भएको छ । अधिवेशनले हरि वाजी लिम्बुको अध्यक्षतामा नयाँ समिति गठन गरेको छ । किराँत याक्थुङ चुम्लुङका संघीय...
स्पेनले दोस्रोपटक विश्वकप फुटबलको उपाधि चुमेको छ । सोमबार विहान न्यु जर्सीको मेटलाइफ रंगशालामा भएको खेलमा डिफेन्डिङ च्याम्पियन अर्जेन्टिनालाई अतिरिक्त समयमा १–० गोलले पराजित गरेको हो । स्पेनले खेल पूर्ण रूपमा आफ्नो नियन्त्रणमा राखेको थियो ।...
अशाेक चेम्जाेङ् मानव सभ्यताको विकास संगसँगै कृषि, संस्कृति र सामुदायिक जीवन पद्धति आपसमा गाँसिँदै गएको देखिन्छ । याक्थुङ (लिम्बु) समुदायमा पनि यही प्रक्रियाबाट प्रारम्भिक जीवनदेखि शिकार, वनजन्य खाद्य संकलन गर्ने, पशुपालनमा निर्भरता, क्रमशः स्थायी बस्ती...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७