पुष १४ गते कुमार लिङ्देन ‘मिराक’ दमक आउँने

 लिम्बुवान न्युज
पुष १४ गते कुमार लिङ्देन ‘मिराक’ दमक आउँने

दमक। विगत १५ बर्ष देखि निरन्तर पहिचान, संघीयता, सहअस्तित्व, समावेशीता र धर्मनिरपेक्षताको वकालत गर्दै आउनु भएका संघीय लोकतान्त्रिक राष्ट्रिय मञ्चका संघीय अध्यक्ष कुमार लिङ्देन ‘मिराक’ दमक आउने भएका छन् ।

संघीय लिम्बुवान मञ्च, नेपालको आयोजनामा पुष १४ गते दमक गणतन्त्र चौकमा हुन लागिरहेकाे लिम्बुवान आमसभालाई सम्बोधन गर्न आउने तय भएको कार्यक्रम संयोजक लिम्बुवान प्रान्तीय उपमहासचिव भानु भट्टराईले बताउनु भयो ।

प्रधानमन्त्रीकाे गृहनगरबाटै सरकारले असंवैधानिक, अलोकतान्त्रिक कदम चाल्दै प्रतिनिधिसभा विगठनकाे विराेध जनाउन कार्यक्रम गर्न लागिएकाे लिम्बुवान मञ्चले जनाएकाे छ । देशमा राजनीति उथलपुथल भएको अवस्थामा पूर्वमा निरन्तर आन्दोलित लिम्बुवानले देश जटिल परिस्थितिमा पुरयाउने यथास्थितिवादी, प्रतिगमनकारी शक्तिहरुले पहिचान सहितको संघीयता र संघीय लोकतान्त्रिक गणतन्त्र नेपाल नै धरासयमा पुराएकाे ठहर गर्दै आन्दाेलनकाे तयारी समेत थालिएकाे जनाएकाे छ ।

प्रदेश नं. १ मा १ सिट जित्न सफल संघीय मञ्च नेपालकै एकमात्र संघीय ढाँचाको नमुना संगठन हो । यो पार्टीको विधान मै १०+१ प्रान्तीय मञ्चको अवधारणा सहित प्रान्तीय पार्टीको रुपमा नै जान सक्ने गरीको पार्टीको संरचना स्पष्ट गरेको छ । मञ्च देश र माटो सुहाउँदो पार्टीको रुपमा विकास गरिएको मञ्चका बरिष्ठ उपाध्यक्ष ज्ञान बहादुर गुरुङकाे तर्क छ । सरकारकाे गलत निर्यणले देश ठूलाे दुर्घटनामा पर्न सक्ने भन्दै मञ्चले सबै जनता सचेत हुनु पर्ने आग्रह गरेकाे छ ।

 

सम्बन्धित समाचार

प्रधानमन्त्री ओलीद्वारा फागुनमा स्थानीय तहको चुनाव गर्ने घोषणा

काठमाडौं । नेकपा एमालेका अध्यक्ष एवम् प्रधानमन्त्री केपी शर्मा ओलीले फागुनभित्रै स्थानीय तहको चुनाव हुने बताएका छन् । बालुवाटारमा बसेको महाधिवेशन आयोजक कमिटीको बैठकमा प्रधानमन्त्री ओलीले स्थानीय तहको चुनावी तयारीमा लाग्न निर्देशन दिएका हुन् ।...

पालाम ‘काराङ्वा पुसा’को छायाँकन सम्पन्न

लिम्बुवानखबर । लोकप्रिय गायक तथा संगीतकार यादन सेर्मा ‘नुनाम’ र गायिका भावना नेम्बाङको सुमधुर आवाजमा सजिएको लिम्बू संस्कृतिमा आधारित पालाम ‘काराङ्वा पुसा’ को म्युजिक भिडियो छायाँकन सकिएको छ । गीतकार सुवर्ण नेम्बाङको शव्द संकलन तथा...

मुक्कुमलुङ अतिक्रमण विरुद्ध काठमाडौं र झापामा एकैसाथ बिरोध

काठमाडौं। मुक्कुमलुङ अतिक्रमणको विरुद्धमा आज काठमाण्डौँमा बिरोध–सभा सम्पन्न भएको छ । लिम्बु समुदायको ऐतिहासिक आस्थालाई भत्काई ’मुक्कुमलुङ’को अस्तित्व मेट्ने दुस्प्रयास गरेकोले सरकारको यो गलत कदमको विरुद्धमा याक्थुङ लेखक मञ्च,उपत्यका समितिको आयोजनामा आज काठमाण्डौँमा बिरोध–सभा गरिएको...

मञ्चद्वारा दोभानका अग्निपिढीतहरुलाई राहत वितरण

ताप्लेजुङ। संघीय लोकतान्त्रिक राष्ट्रिय मञ्च सम्बद्ध संघीय लिम्बुवान मञ्च, नेपालको प्रवास समितिहरुद्वारा संकलित रकम ताप्लेजुङ् दोभानका अग्निपिढीत ५८ घर परिवारलाई राहत वितरण गरेको छ । संघीय लिम्बुवान सामाजिक मन्च, प्रवास कार्य समिति युकेको विशेष पहलमा...