काठमाडौं । प्रधानमन्त्री केपी शर्मा ओलीले ९ जना थपेर मन्त्रिपरिषद विस्तार गरेका छन् । शुक्रबार ९ जना मन्त्री नियुक्ती गर्दा केही मन्त्रीको जिम्मेवारी हेरफेर गरेका छन् । शुक्रबार थप गरिएको मन्त्रिपरिषदमा ८ जना मन्त्री र एक राज्यमन्त्री थप भएका छन् ।

शुक्रबार थपिएका नयाँ अनुहारहरु टोपबहादुर रायमाझी, मणि थापा, प्रभु शाह, प्रेमबहादुर आले, गणेश ठगुन्ना, गौरीशंकर चौधरी, दावा लामा र जुलीकुमारी महतोले मन्त्री पदको सपथ लिएका छन् भने विमला विश्वकर्माले राज्यमन्त्रीको सपथ लिएकी छन् ।

प्रधानमन्त्रीद्वारा मन्त्रिपरिषद विस्तार गर्नु अघि युवा तथा खेलकुदमन्त्री जगत विश्वकर्मा र उद्योग, वाणिज्य तथा आपूर्ति राज्यमन्त्री मोती दुगड यि दुई मन्त्रीहरुको पद खोसिएको छ ।

शुक्रबार विस्तार भएको मन्त्रिपरिषदमा निम्नानुसार मन्त्रालयहरुको जिम्मेवारी पाएका छन् । टोपबहादुर रायमाझीले उर्जा, जलस्रोत तथा सिञ्चाई, प्रभु साहले शहरी विकास, मणि थापाले खानेपानी तथा सरसफाई, गौरीशकर चौधरीले श्रम, रोजगार तथा सामाजिक सुरक्षा, गणेश ठगुन्नाले संघीय मामिला तथा सामान्य प्रशासन, प्रेमबहादुर आलेले वन तथा वातावरण, जुलीकुमारी महतो महिला, बालबालिका तथा ज्येष्ठ नागरिक, दावा लामा युवा तथा खेलकुद मन्त्री बनेका छन् ।

त्यस्तै विमला विश्वकर्मा भने उद्योग वाणिज्य तथा आपूर्ति राज्यमन्त्री बनेकी छन् ।