दमक। पुर्वेलि लोक गायक ईन्द्र सुशील चोङबाङ र चर्चित गायिका सुनिता थेगिमको आवाजमा सजिएको छथरे लिम्वू भाषाको पालाम् ‘फुङ हेक्के नुमा’ सार्वजनिक भएको छ । भरत थोक्लेनको शब्द संकलन तथा सन्तोष तिगेला (छथर गाउँपालिका अध्यक्ष) को निर्माणमा तयार भएको पालामको लय सिर्जना भने गायक ईन्द्र सुशील चोङबाङको रहेको छ ।

पान्थरे, फेदापे लिम्बू भाषाको गित संगीत र पालाम् सुनिरहेका स्रोता तथा दर्शकहरुका लागि यो कोशेलि नयाँ हुन सक्छ । प्राय गीत र पालामहरु पान्थरे र फेदापे भाषाका मात्र रेकर्डिङ भईरहेको यो सन्दर्भमा भने छथरे लिम्बूहरुले प्रयोग गर्ने भाषाको रेकर्डिङ भएको यो दोस्रो पालाम् हो ।

राजु कार्कीको संगीत संयोजन तथा मिक्सिङ र किङग् स्टुडियोमा रेकर्डिङ गरिएको सिमिक्लुङ दर्पणको प्रडक्सनमा तयार भएको लिरिकल लिप्सिङ भिडियोलाई गंगाराम राईले छायाँकन तथा सम्पादन गरेका हुन् ।

यस भन्दा अघि ६६ सालमा दिल पाक्साङ्वाको शब्दमा निरविन्दु थोक्लेन र मनु पाक्साङ्वाको आवाजमा छथरे लिम्बू लयको पालाम् रेकर्डिङ भएको थियो । धनकुटा र तेह्रथुम क्षेत्रमा प्रयोग गरिने यस भाषालाई टपक्क टिपि पालामको माध्यमबाट प्रस्तुत गरिएको छ । यो पालाम ूसिमिक्लुङ दर्पण ूयुट्युव च्यानलबाट सार्वजनिक गरिएको छ ।