काठमाडौँ। प्रधानमन्त्री केपी शर्मा ओलीकोे विरुद्धमा जनता समाजवादी पार्टी (जसपा) नेपालले विरोध प्रदर्शन गरेको छ । प्रधानमन्त्रीले गर्नुभएको प्रतिनिधि सभा विघटन असंवैधानिक, अलोकतान्त्रिक, प्रतिगमनकारी र जनताको भावना विपरित भएको भन्दै आज आईतबार जसपाले काठमाडौँमा विरोध प्रदर्शन गरेको हो ।

जसपाको विरोध प्रदर्शन रत्नपार्कको शान्तिवाटिकाबाट र्याली सुरु गरेर पुतलीसडक हुदैं बिरोध प्रदर्शन गर्दै पुन शान्तिबाटिकामा पुगेर कोण सभामा भएको छ । कोणसभालाई जसपाका नेताहरु अध्यक्ष महन्थ ठाकुर, संघीय परिषद अध्यक्ष डा.बाबुराम भट्टराई, बरिष्ठ नेता अशोक राई लगायतले सम्बोधन गर्दै ओली सरकारले जनतामाथि नांङ्गो नाँच देखाएर संसद विघटन जस्तो असंवैधानिक कदम उठाएकोमा घोर आपत्ति जनाएका छन् ।

नेताहरुले जसपा अब आन्दोलनमा उत्रिसकेको बताएका छन् ।

प्रधानमन्त्री ओलीको सिफारिसमा राष्ट्रपति विद्यादेवि भण्डारीबाट गत पुष ५ गते प्रतिनिधि सभा विघटन भएको थियो ।