दमक। किरात याक्थुङ् चुम्लुङ् दक्षिण कोरियाको सिरिजंगा सांस्कृतिक विभाजद्वारा आयोजित लिम्बू अन्तराष्ट्रिय अनलाईन टिकटक प्रतियोगिता पाँचथरकि चाईना योङया सेर्मा बिजयी भएकी छन् । विजयी सेर्माले ५० हजार हात पारिन् ।
चासोक तङ्नाम २०७७ को अवसर पारेर किरात याक्थुङ् चुम्लुङ्को केन्द्रीय कार्यालय ललितपुरमा विजयी प्रतियोगीहरुलाई केन्द्रीय अध्यक्ष योगराज वनेम र महासचिव निरन्ती तुम्बापोको हातबाट पुरस्कार प्रदान गरिएको छ ।
लिम्बु मौलिक भेष भुसा र कला, संस्कृतिको संरक्षण साथै प्रवद्र्धन गर्न सेप्टेम्बर ७ बाट नोभेम्बर ७ तारिख दुई महिनासम्म चलेको उक्त प्रतियोगितामा १६५ जना प्रतियोगीहरुले प्रतिस्पर्धा गरेका थिए । प्रतियोगिताको अन्तिम नतिजा भने सन् २०२० नोभेम्बर १५ का दिन सार्वजनिक गरिएको हो ।
उक्त प्रतियोगितामा लालीगुराँस, तेह्रथुमकी नुमा माबुहाङ्ले दोस्रो हुँदै ३० हजार हात पारिन भने धरान, सुनसरीकि रोजनी तेयुङ्ले तेस्रो हुँदै १५ हजारमा चित्त बुझाएकि छन् । त्यसैगरी सान्तवना हुँदै धरान सुनसरीका सक्षम लिम्बुले ५ हजार पारेका छन् ।
यस टिकटक प्रतियोगितामा उत्कृष्ट पाँच भिडियोलाई जुरी अवार्ड प्रदान गरिएको छ । एक के योङहाङ्, कृष्ण माबुहाङ्, उमा सम्बाहाम्फे, नुमा तिलिङ् र विना पन्धाकले उक्त अवार्ड जितेका छन् ।
कार्यक्रमको निर्णायकमा यासेली योङहाङ, मौसम लिम्बु –फु?लेन्देको बाउ) र युवेन तुम्बापो रहनुभएको थियो ।
विश्वव्यापी कोरोना भाइरस(कोभिड१९) को महामारी र लडाउनका कारण निकै लामो समयसम्म स्थगन गरिएको पुरस्कार वितरण कार्यक्रम चासोक तङ्नामको अवसरमा पारेर बुधबार वितरण गरिएको चुम्लुङ् दक्षिण कोरियाका अध्यक्ष अग्नी पन्धाक मिराकले जनाएका छन् ।
कार्यक्रम सम्पन्न गर्न सिरिजंगा साँस्कृतिक विभाग कियाचु दक्षिण कोरियाका संयोजक शान्तिला पालुहङ्वा र सहसंयोजक सन्तोष खेवाको विशेष भूमिका रहेको थियो । यस कार्यक्रमलाई सफल पार्न समशेर पन्धाक, मिराक लिम्बु –अग्नी), प्रवेश फियाक, सागर माङ्मु, सुन्दरदिप आङ्देम्बे, सन्तोष मादेन, युगल किशोर सेर्मा, हेम्बु ईजम, शुभद्रा पालुङ्वा, सुमन हाङसोरोङ्, दिवा वारुमहाङग र अर्जुन तुम्बापोले प्रयोजन गर्नुभएको थियो भने कार्यक्रमको संरक्षकमा शमशेर पन्धाक, संरक्षक सदस्यमा कुविर लिङदेन, गणेश मेन्याङबो रहेका थिए । त्यसैगरी सल्लाहकारहरुमा मौसम इम्बुङ –फुलेन्दे को बाऊ), यासेली योङहाङ र गोविन्द आङ्बुहाङ रहेका थिए ।
दमक । किरात याक्थुङ चुम्लुङले लिम्बुवान र तत्कालीन गोर्खा राज्यबीच भएको ऐतिहासिक नुनपानी सन्धिको २५२औँ वर्ष स्मरण गर्दै प्रधानमन्त्रीका नाममा ज्ञापनपत्र बुझाएको छ । किरात याक्थुङ चुम्लुङ केन्द्रीय कार्यसमितिको समन्वयमा विभिन्न संघसंस्था र राजनीतिक दलका...
प्रवास । मलेसियाको जोहोर बारुस्थित JO Hotel JB मा आयोजित किराँत याक्थुङ चुम्लुङ जोहोरको प्रथम अधिवेशन–२०२६ सम्पन्न भएको छ । अधिवेशनले हरि वाजी लिम्बुको अध्यक्षतामा नयाँ समिति गठन गरेको छ । किराँत याक्थुङ चुम्लुङका संघीय...
स्पेनले दोस्रोपटक विश्वकप फुटबलको उपाधि चुमेको छ । सोमबार विहान न्यु जर्सीको मेटलाइफ रंगशालामा भएको खेलमा डिफेन्डिङ च्याम्पियन अर्जेन्टिनालाई अतिरिक्त समयमा १–० गोलले पराजित गरेको हो । स्पेनले खेल पूर्ण रूपमा आफ्नो नियन्त्रणमा राखेको थियो ।...
अशाेक चेम्जाेङ् मानव सभ्यताको विकास संगसँगै कृषि, संस्कृति र सामुदायिक जीवन पद्धति आपसमा गाँसिँदै गएको देखिन्छ । याक्थुङ (लिम्बु) समुदायमा पनि यही प्रक्रियाबाट प्रारम्भिक जीवनदेखि शिकार, वनजन्य खाद्य संकलन गर्ने, पशुपालनमा निर्भरता, क्रमशः स्थायी बस्ती...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७