मेयङलुङ्, १७ मंसिर । हुक्पाचोङबाङ कल्याण संघ केन्द्रिय कार्यसमितिको आयोजनामा जिल्ला स्तरीय १ दिने प्रशिक्षण कार्यक्रम सम्पन्न भएको छ ।

तेह्रथुम जिल्लाको सदरमुकाम मेयङलुङ बजार स्थित उद्योग वाणिज्य संघको सभाहलमा आयोजित प्रशिक्षण कार्यक्रममा तेह्रथुम जिल्ला कार्यसमितिका पदाधिकारी तेह्रथुम स्थित विभिन्न स्थानीय तहका वडा समितिका पदाधिकारी र हुक्पाचोङबाङ बन्धुहरुको उपस्थिति रहेको कार्यक्रम कल्याण संघका केन्द्रिय उपाध्यक्ष मोहन कुमार हुक्पाचोङबाङको अध्यक्षतामा भव्यताका साथ सम्पन्न भएको थियो ।

विभिन्न बिषय बस्तु निर्धारण गरेर गरिएको प्रशिक्षण कार्यक्रममा संस्थागत बिकास र अवधारणा सम्बन्धि प्रशिक्षण संघका केन्द्रिय उपाध्यक्ष मदनकुमार हुक्पाचोङबाङले गर्नुभएको थियो भने संस्थाको बिधान र नियमावली सम्बन्धि प्रशिक्षण संघका केन्द्रिय महासचिव भगत हुक्पाचोङबाङले गराउनुभएको थियो ।

त्यसैगरी नेतृत्व बिकास सम्बन्धि प्रशिक्षण संघका केन्द्रिय सचिब सेसेहाङ हुक्पाचोङबाङले गराउनु भयो भने संस्थाको आर्थिक परिचालन र कोष सम्बन्धि प्रशिक्षण संघका केन्द्रिय सदस्य महेष हुक्पाचोङबाङले गर्नुभएको थियो ।

हुक्पाचोङबाङ बन्धुहरुको संस्थागत बिकास गर्ने उदेश्यले आयोजना गरिएको उक्त प्रशिक्षण कार्यक्रम उपलब्धि मुलक भएको सहभागीहरुको धारणा रहेको थियो । कार्यक्रममा सामाजिक अगुवा कृष्ण हुक्पाचोङबाङले सुझाव मन्तव्य समेत राख्नुभएको थियो ।