लिम्बुवानखबर, २१ मंसिर । संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल प्रवास समिति बेल्जियम समिति गठन भएको छ । मंगलबार देउमान सुब्बाको अध्यक्षतामा १३ सदस्यीय संघीय लिम्बुवान सामाजिक मञ्च प्रवास समिति बेल्जियम गठन भएको हो ।

अन्तराष्ट्रिय प्रवास समन्व मञ्चका संयोजक चन्द्रकुमार लिङ्देनको प्रमुख आतिथ्यतामा भर्चुअल जुममार्फत भएको कार्यक्रमबाट समिति गठन भएको हो । समितिको बरिष्ठ उपाध्यक्षमा डम्बर बहादुर लिम्बु, उपाध्यक्षहरुमा बाल सेनेहाङ, मनरुपा लिम्बु रहेका छन् भने महासचिवमा इन्दीरा थेवे, उपमहासचिवमा तनिसा सेनेहाङ, अर्थसचिव शुशिला सुब्बा र अर्थ–सहसचिव सुगा थेवे चयन भएका छन् ।

त्यसैगरी सदस्यहरुमा एस सेनेहाङ, अस्मिता लिम्बु र सुमी बराईली रहेका छन् । त्यसैगरी सल्लाहकारमा विनु लिम्बु र पुपुसा खपाङ्गी चयन भएका छन् । संघीय मञ्चको हाल १२ वटा प्रवासहरुमा संगठन विस्तार भइसकेको छ ।