धरान, विजयपुर २४ मंसिर । संघीय लोकतान्त्रिक राष्ट्रिय मञ्च सम्बद्व संघीय लिम्बुवान मञ्च नेपालको प्रान्तीय अधिवेशन आजबाट लिम्बुवानको ऐतिहासिक स्थल विजयपुर धरानमा सुरु हुदैछ ।
धरान स्थित इजिराडर्स होटलको सभाहलमा सुरु हुने अधिवेशनको उद्घाटन संघीय लोकतान्त्रिक राष्ट्रिय मञ्चका अध्यक्ष कुमार लिङदेन मिराकले गर्ने कार्यक्रम रहेको छ ।
लिम्बुवानको राजनीति मुद्दामा अडिग तथा सडक देखि सदन सम्म निरन्तर आन्दोलन उठाइ रहने आन्दोलनरत पार्टीको रूपमा स्थापित संघीय लिम्बुवान मन्च नेपाल लिम्बुवानी जनताको लोकप्रिय पार्टी पनि हो ।
२०६२ सालमा स्थापित यो पार्टीले स्थापना देखि नै संघीयता, लोकतान्त्रिक गणतन्त्र नेपाल, धर्मनिरपेक्षता, समानुपातिक, समावेशी र पहिचानको मुद्दा दर्विलो तबर बाट उठाइरहेको छ । आज बाट ४ दिनसम्म संचालन हुने अधिवेशनले नया नेतृत्वको चयन गर्नेछ ।
७ सय प्रतिनिधि तथा पर्यवेक्षक उपस्थित रहने अधिवेशनमा सहमतिमा नया कार्य समिती चयन गर्ने भनिएता पनि आकांक्षी उम्मेदवारहरुको संख्या बढी रहेको हुनाले नयाँ समिति चयनमा निर्वाचन हुने सम्भावना बढी रहेको पार्टी संघीय महासचिव सुरेन्द्र निङलेकुले जानकारी दिनुभएको छ ।
अधिवेशनले ९९ जनाको प्रान्तीय नयाँ समिति चयन गर्नेछ ।
Related