धरान, विजयपुर । संघीय लोकतान्त्रिक राष्ट्रिय मञ्च सम्बद्व संघीय लिम्बुवान मञ्च नेपालको प्रान्तीय अधिवेशन आज लिम्बुवानको ऐतिहासिक स्थल विजयपुर धरानमा सम्पन्न भएकोछ ।

धरान स्थित इजिराइडर्स होटलको सभाहलमा सम्पन्न अधिवेशनले महिला नेत्री शर्मिला बागचन्दलाई नयाँ कार्य समितिको अध्यक्ष निर्वाचित गरेको छ । प्रथम प्रान्तीय अधिवेशनको उद्घाटन संघीय लोकतान्त्रिक राष्ट्रिय मञ्चका केन्द्रिय अध्यक्ष कुमार लिङदेन मिराकले गर्नुभएको थियो ।

देशभर बाट उपस्थित दलित सहभागीहरुलाइ सम्बोधन गर्दै कुमार लिङदेनले अब दलित मुक्तिको लागि दलित प्रान्त आवस्यक रहेको र दलित मुक्ति दलित समुदायको नेतृत्वमा मात्र सम्भव रहेको ठोकुवा गर्नु भयो ।

नेपालका सबै उत्पीडित उपेक्षित समुदाय एक भएर एकात्मक राज्य सत्ता बिरुद्व बिद्रोह गर्न आग्रह गर्नुभयो । अधिवेशन कार्यक्रमलाई मञ्चका बरिस्ठ उपाध्यक्ष ज्ञान ब. गुरुङ उपाध्यक्ष चन्द्र ब. खापुङ लगायतका नेताहरूले सम्बोधन गर्नुभएको थियो ।

संघीय दलित मुक्ति मञ्चको निवर्तमान अध्यक्ष रमेश गजमेरको अध्यक्षतामा रहेको पुरानो समितिलाई विघटन गर्दै शर्मिला बागचन्दको नेतृत्वमा ५१ सदस्यीय नयाँ कार्य समिति चयन भएको हो ।

समितिको उपाध्यक्षहरुमा बलराम सदा,साजन मोते, बिक्रम बराइली, केशव दुलाल वादी, रन ब. बि.क. महासचिव महेन्द्र बिद्रोही, महासचिव गणेश तिरुवा, महासचिव राजु परियार उपमहासचिव भोज ब. बिश्वकर्मा, खड्क बिश्वकर्मा, कृष्ण मण्डल सचिब दिनेस सिवा, अनिता परियार, सचिन मण्डल अर्थसचिव भोजराज बर्देवा, कविता सिनान लगायत ५१ सदस्यीय नया कार्यसमिति निर्वाचित हुनुभएको छ ।