काठमाडौं, २४ मंसिर । प्रतिनिधिसभामा प्रत्यक्ष तर्फ ३ सिट जितेको नागरिक उन्मुक्ति पार्टीले सरकारमा सहभागी हुन सत्ता गठबन्धनसँग रेशमलाल चौधरीलगायतका नेताको रिहाइको माग गरेको छ ।
शुक्रबार काठमाडौंमा बसेको पार्टीको सचिवालय बैठकले रेशमलाल चौंधरीलगायतका जेलमा रहेका नेता, कार्यकर्तालाई रिहाइ गरे सरकारमा सहभागी हुने निर्णय गरेको हो ।
पार्टीकी अध्यक्ष रञ्जिता श्रेष्ठले पार्टीका संस्थापक रेशम चौंधरीलगायत नेता कार्यकर्तालाई जेलबाट रिहाइ गरे मात्रै हामी सरकारमा सहभागी भई राष्ट्र निर्माणको अभियानमा लाग्ने बताइन । थरुहट आन्दोलनको क्रममा जेल परेका चौधरी पार्टीका संरक्षक हुन् ।
उन्मुक्तिले ३ वटा प्रदेश सभामा समेत विजय हासिल गरेको छ । प्रतिनिधिसभा समानुपातिकमा भने उन्मुक्तिले थ्रेसहोल्ड कटाउन सकेन ।
Related