इलाम, २० मंसिर । नेपाली पत्रकारहरुको साझा संस्था नेपाल पत्रकार महासंघ इलाम शाखाको अध्यक्षमा पत्रकार राम योङहाङले उम्मेद्वारी दिने भएका छन् । आउँदो २८ मङ्सिरमा हुने महासंघको निर्वाचनमा उनले अध्यक्षमा उम्मेद्वारी दिने भएका हुन् ।
विगत १७ वर्षदेखि इलाममा व्यावसायिक पत्रकारिता गर्दै आएका योङहाङलाई प्रेस सेन्टर नेपाल प्रदेश समितिको २१औं बैठकले अध्यक्षमा उम्मेद्वार बनाउने निर्णय गरेको प्रेस सेन्टरका प्रदेश महासचिव सुजन तिम्सिनाले जानकारी दिए ।
प्रेस सेन्टर नेपाल जिल्ला समन्वय समिति इलामको सर्वसम्मत सिफारिसलाई बुधबार विराटनगरमा बसेको प्रदेश समितिको र्बैठकले अनुमोदन गर्दै उम्मेद्वार बनाउने निर्णय गरेको हो ।
पत्रकार योङहाङ नेपाल पत्रकार महासंघ इलामका वर्तमान कोषाध्यक्ष हुन् ।
योङहाङको विगत १७ वर्षदेखि क्रियाशील पत्रकारिता गरेको अनुभव छ । इलामबाट सञ्चालित इलाम एफएमबाट २०६४ देखि पत्रकारिता यात्रा सुरु गरेका योङहाङ २०७३ देखि इलामबाट सञ्चालित अनलाइन पत्रिका नयाँ बुलन्द डटकमका सम्पादकका रुपमा कार्यरत छन् । २०६८ देखि सौर्य राष्ट्रिय दैनिकमा इलाम संवाददाताका रुपमा कार्यरत योङहाङ २०८० देखि सरकारी समाचार संस्था राष्ट्रिय समाचार समिति (रासस) मा जिल्ला संवाददाताका रुपमा कार्यरत छन् ।
उनले इलाम एफएमसहित इलामबाट प्रकाशित इलाम पोष्ट दैनिक र इक्ला साप्ताहिक, झापाबाट सञ्चालित नागरिक एफएम, झापाबाट प्रकाशित पूर्व सन्देश दैनिक र पिपुल्स टाइम्स दैनिक, मोरङबाट प्रकाशित मोफसल साप्ताहिक र काठमाडौंबाट प्रकाशित कमाण्डर पोष्ट राष्ट्रिय दैनिकमा समेत काम गरिसकेका छन् ।
पत्रकारहरुको पेशागत संगठनमा समेत उतिक्कै सक्रिय योङहाङ २०७४ देखि नेपाल आदिवासी जनजाति पत्रकार महासंघ (फोनिज) इलामको अध्यक्ष, २०७६ देखि लिम्बू पत्रकार संघका केन्द्रीय कोषाध्यक्ष र २०७९ देखि प्रेस सेन्टर नेपालका केन्द्रीय सदस्यको जिम्मेवारी समेत सम्हाल्दै आएका छन् ।
शिक्षा संकाय र कानुन संकायमा स्नातक गरेका योङहाङले मानविकी तथा सामाजिक विज्ञान संकाय (ग्रामीण विकास) र व्यवस्थापन संकाय (जनप्रशासन) मा स्नातकोत्तर गरेका छन् ।
इलामको माङसेबुङ गाउँपालिका-३ गुरुङगाउँमा जन्मिएका योङहाङ हाल इलाम नगरपालिका-७ फुलगाछीमा बस्दै आएका छन् ।
योङहाङले नेपाल पत्रकार महासंघ, श्रमजीवि पत्रकार र स्वरोजगारमूलक मिडियाको पक्षमा काम गर्न आफ्नो उम्मेद्वारी रहेको बताएका छन् ।
विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...
दमक, २२ असोज । नेपाली कांग्रेस दमक नगर समितिको अधिवेशन आज बिहीबार दमक उद्योग वाणिज्य संघको सभाहलमा भव्य रूपमा सम्पन्न भएको छ। संविधानसभा सदस्य महेन्द्रा कुमारी सुब्बाको प्रमुख आतिथ्यमा सम्पन्न उक्त अधिवेशनमा डा. खगेन्द्र पाण्डे विशिष्ट...
दमक, २१ असोज । प्रदेश न १ कोशी प्रदेश जिल्लास्तरीय प्रथम दमक भेट्रान च्यालेन्ज कप-२०८३ को उपाधि विर्तामोडले जितेको छ । बुधबार सम्पन्न फाइनल खेलमा आयोजक दमक भेट्रान रातोलाई २-० गोल अन्तरले पराजित गर्दै विर्तामोड च्याम्पियन...
धनकुटा, १९ असोज । फोनिज प्रदेसको ८ औं बार्षिक साधारण सभा तथा १७ औं स्थापना दिवस भेडेटारको सगुरगढीमा सम्पन्न । सागुरगढी गाउँपालिकाका अध्यक्ष जितेन्द्र रुम्देली राईको प्रमुख आथित्यता र फोनिज प्रदेस न. १ का अध्यक्ष...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७