दमक, २१ मंसिर । पाँचथर नेन्दीबुङबाट आजभन्दा २५ बर्ष अगाडि देखि निरन्तर प्रकाशन हुँदै आएको लुङा पत्रिका प्रकाशनको २५ बर्ष पुरा भएको अवसरमा कार्यक्रम भएको छ ।
झापाको दमकस्थित पत्रकार मञ्च दमकको सभाहलमा आयोजित कार्यक्रममा पत्रिकाको प्रमुख अतिथि पत्रकार मञ्चका अध्यक्ष कमन देवानले रजतबर्ष विशेषाङको विमोचन गर्दै लुङा पत्रिका प्रकाशनको २५ बर्ष पुरा भएको घोषणा गरिएको थियो ।
कार्यक्रममा भारत तथा भुटानका साहित्यकार लगायत नेपालका विभिन्न जिल्लाका स्रष्टाहरुको समेत बाकुलो उपस्थिति रहेको थियो ।
कार्यक्रममा नाल्बो पत्रकारिता पुरस्कारबाट इतुङसा पत्रिकाका सम्पादक थाकुहाङ मेरिङ पाँचौं र धड्कन पत्रिकाका आसामका लोकमान सुब्बा आङ्देम्बेलाई छैटौं पुरस्कार वितरण गरिएको छ । पुरिस्कृतहरुलाई ताम्रपत्रसहित नगद २० हजारको दरले सम्मान गरिएको थियो ।
यसैगरी लुङा पत्रिकामा लामो समय देखि लेख रचना दिएर सहयोग पु¥याउनु हुने साहित्यकार हरि चोङबाङ, लछामी सेर्मा पापो, सेसेहाङ फियाक, लाल अञ्जान सम्बाहाम्फे, कृष्णा प्रिन्टिङ प्रेसका पदम श्रेष्ठ र १८ बर्ष देखि कम्प्यूटर टाईपिङ र सेटिङ गरि सहयोग गर्ने दिलकुमार लावतीलाई समेत सम्मान गरिएको थियो ।
कार्यक्रममा पुरस्कृत मेरिङ र लोकमान सुब्बाले आ–आफ्ना विचार लुङा पत्रिकाबारे बोलेका थिए ।
कार्यक्रममा कियाचू लिम्बुवान प्रदेश समिति सचिव जितेन पन्धाक साङसेन, धिरेन लावती, देवेन्द्र लावती लगायत प्रभुत्व व्यक्तित्वहरुको उपस्थिति रहेको उक्त कार्यक्रमको संचालन याक्थुङ साहित्य प्रतिष्ठानकी सचिव रचना लावतीले गरेकि दिईन भने कार्यक्रममा स्वागत मन्तव्य पत्रिकाका व्यवस्थापक इक्सा सम्बाहाम्फेले गरेकी थिइन त्यसैगरी कार्यक्रमको सभाध्यक्षता लुङा पत्रिकाका सम्पादक तथा प्रकाशक सेसेमी से नाल्बोले गरेका थिए ।
यसैगरी सोही दिन याक्थुङ वर्णविन्यासमा केम्फ्रेङ, मुक्फ्रेङ र सई प्रयोग बारे विमर्श र लिम्बु भाषामा आधुनिक साहित्य लेखन तथा समालोचना बारे विमर्श भएको थियो । कार्यक्रममा लिम्बु साहित्य लेखक तथा बुद्धिजिवीहरुको सहभागिता रहेको लिम्बु भाषा साहित्य प्रतिष्ठानका अध्यक्ष सेसेमी से नाल्बोले बताउनु भयो ।
ललितपुर, ५ माघ । आईसीसी टी–२० विश्वकप २०२५ यू–१९ महिलाको दोस्रो संस्करण आजबाट मलेसियामा सुरू हुँदैछ । प्रतियोगिताको पहिलो दिन ६ खेल हुँदैछ जहाँ नेपालले पनि आफ्नो पहिलो खेल बंंगलादेशसँग खेल्ने भएको छ । नेपाल...
ललितपुर, ४ माघ । लिम्बू समुदायको सांकृतिक धरोहर र इतिहास झल्काउने नाटक ‘मुक्कुम्लुङ’को मञ्चन सुरु भएको छ । थापागाउँस्थित मण्डला थिएटरमा शुक्रबारदेखि यो नाटकको नियमित मञ्चन हुने भएकाे हाे । यो नाटकले मुजिङ्ना खेयङ्नाका माध्यमबाट...
दमक, ४ माघ । नेपाल आदिवासी जनजाति पत्रकार महासंघ (फोनिज) तेह्रथुम जिल्ला शाखा समितिको पाँचौ अधिबेशन सम्पन्न भएको छ । शुक्रबार सम्पन्न नेपाल आदिवासी जनजाति पत्रकार महासंघ (फोनिज) १ नम्बर प्रदेश समिति अध्यक्ष सन्तबीर लामाको...
ललितपुर, ३ माघ । पूर्वकी चर्चित गायिका मेलिना राई विवाह बन्धनमा बाँधिने भएकी छिन् । उनले बुधबार इलामका ध्रुब गुरुङसँग इंगेजमेन्ट गरेकी हुन् । उनीहरुको इंगेजमेन्टको फोटो सार्वजनिक भएको छ, जसमा मेलिना परम्परागत पहिरनमा ठाँटिएकी...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८