दमक, ३ पुष । झापाको कमलस्थित आदिवासी रंगशालामा लिम्बु याक्थुङहरुको राष्ट्रिय पर्व चासोक तङ्नाम भव्य रुपले सम्पन्न भएको छ । किरात याक्थुङ चुम्लुङ दमक नगर र कमल गाँउपालिका समितिको संयुक्त आयोजना रहेको चासोक तङनाम (न्वागि पुजा) सम्पन्न भएको हो ।
हाम्रो चाहना लिम्बुवान स्वायत्तता स्थापना नाराको साथ चासोक तङनाम २०८१ मंसिर ३० गते भव्य रुपले सम्पन्न गर्न त्यस क्षेत्रका याक्थुङ लगायत अन्य जातीहरुको उल्लेख्य उपस्थिति रहेको थियो ।
कार्यक्रकमको पहिलो चरणमा तुम्देन यक्मा(प्रकृतिलाई पुकारी गरिने श्रद्वा)गरिएको थिया े। तुम्देन यक्मा २ तरिकाले पुजा गरिएको थियो । जहाँ मानव सृष्टिसंगै वच्न, जिवनयापनको लागि प्रकृतीमा उब्जेका अन्न बालिनालि त्यतिकै खाने गर्दा दुख बिमार घाउखटिरा इत्यादि भएपछि पुर्खाहरुले ठुलो रुखको आडमा ढुंगा राखेर पुजाआजा गरि चढाएर मात्र खान थालेपछि रोगब्याधि लाग्न छोडेको विश्वास भएपछि बर्सेनि उक्त दिनलाई सम्झिदै लिम्बू जातिमा न्वागी पुजा(अन्न पाकेपछि प्रकृतीलाई अनुमति र धन्यवाद दिने पुजा)गरि सम्पन्न गरिएको थियो । अन्नवाली भित्राउन प्रकृतिलाई चडाउने घरघरमा यो न्वागी पुजा याक्थुङहरुले गर्ने परम्परा रहेको छ ।
यसैगरी कार्यक्रमको दोश्रो चरणको औपचारिक कार्यक्रममा मञ्चमा आमन्त्रित प्रमुख अतिथि कियाचू संघीय समितिका सचिव यासेली योङहाङ र हङकङबाट पाल्नु हुने विशेष अतिथिद्वारा बिशेष च्याब्रुङ बजाएर औपचारिक कार्यक्रम सुरु गरिएको थियो । केलाङ नाचगान सहित विशेष अतिथिहरुलाई सम्मान गरिएको थियो । आदिवासि रंगशालामा भएको कार्यक्रममा प्रमुख अतिथि सचिव योङहाङले कार्यक्रमै लिम्बू समुदायभित्रको महत्त्वपूर्ण मुन्धुम पस्केर कार्यक्रमको शुभारम्भ गरेका थिए ।
कार्यक्रममा सम्पुर्ण सहयोगि दाताहरुलाई सम्मान पत्र र खदा ओढाई सम्मान गरिएको थियो ।
रंगशालामा विशेष गरेर याक्थुम लिम्बू समुदायको संस्कृती परम्परा झल्कने विशेष याक्थुङ हिम, डेरा निर्माण गरिएको थियो भने लिम्बु महिला पुरुषहरुले लगाउने परम्पारिक विशेष संकेतको रुपमा लिने सिलाम साक्मा, तागा मेख्ली तथा ढाका टोपीहरु बेच्न समेत राखिएको थियो । साथै विभिन्न क्षेत्रबाट केलाङ नाँचका लागि दर्जन भन्दा बढि समुहको विशेष उपस्थिति रहेको थियो । कार्यक्रममा कियाचू पूर्व उपाध्यक्ष धिरेन लावती, प्रदेश मुख्य सचिव साङसेन पन्धाक जितेन, आदिवासी रंगशालाका महासचिव दिपेन वाला राई लगायतले आदिवासी रंगशालामा कार्यक्रम गर्नुको औचित्यमाथि प्रष्ट पारेका थिए ।
कार्यक्रमको अध्यक्ष कियाचू दमक नगरका अध्यक्ष देवेन्द्र चेम्जोङ र कलम गापाका अध्यक्षले स्वागत मन्तव्यका साथै कार्यक्रमको औचित्यमाथि प्रष्ट पारेका थिए ।
त्यस्तैगरी कार्यक्रमको अन्तिम चरणमा भने विशेष सांगीतिक कार्यक्रम रहेको थियो । कार्यक्रममा विभिन्न बिधामा कलाकारहरुले मनोरञ्जन गराएका थिए । कार्यक्रममा कुशल थलङ, जेपि नेम्वाङ, यादन शेर्मा, निरन्ता नेम्वाङ, दुर्गा तुम्सा, हिमाल लिम्बू, सिद्धान्त खड्का, नुमा लिम्बू र सिक्किमबाट पाल्नु हुने शान्ति लिम्बू साथै सन्चमान लिम्बुले कार्यक्रममा विशेष प्रस्तुति राखेका थिए । गायक तथा गायिकाहरुलाई कार्यक्रमको अन्त्यमा मायाको चिनो समेत प्रदान गरिएको थियो ।
भिडियाे तलकाे लिङ्कमा हेर्नु हाेला
https://www.facebook.com/share/v/rzFTLgqV41Tah2eD/
ललितपुर, ५ माघ । आईसीसी टी–२० विश्वकप २०२५ यू–१९ महिलाको दोस्रो संस्करण आजबाट मलेसियामा सुरू हुँदैछ । प्रतियोगिताको पहिलो दिन ६ खेल हुँदैछ जहाँ नेपालले पनि आफ्नो पहिलो खेल बंंगलादेशसँग खेल्ने भएको छ । नेपाल...
ललितपुर, ४ माघ । लिम्बू समुदायको सांकृतिक धरोहर र इतिहास झल्काउने नाटक ‘मुक्कुम्लुङ’को मञ्चन सुरु भएको छ । थापागाउँस्थित मण्डला थिएटरमा शुक्रबारदेखि यो नाटकको नियमित मञ्चन हुने भएकाे हाे । यो नाटकले मुजिङ्ना खेयङ्नाका माध्यमबाट...
दमक, ४ माघ । नेपाल आदिवासी जनजाति पत्रकार महासंघ (फोनिज) तेह्रथुम जिल्ला शाखा समितिको पाँचौ अधिबेशन सम्पन्न भएको छ । शुक्रबार सम्पन्न नेपाल आदिवासी जनजाति पत्रकार महासंघ (फोनिज) १ नम्बर प्रदेश समिति अध्यक्ष सन्तबीर लामाको...
ललितपुर, ३ माघ । पूर्वकी चर्चित गायिका मेलिना राई विवाह बन्धनमा बाँधिने भएकी छिन् । उनले बुधबार इलामका ध्रुब गुरुङसँग इंगेजमेन्ट गरेकी हुन् । उनीहरुको इंगेजमेन्टको फोटो सार्वजनिक भएको छ, जसमा मेलिना परम्परागत पहिरनमा ठाँटिएकी...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८