दमक, १४ पौष । झापाको दमकस्थित कस्मिक पार्टी प्यालेसमा मिस आर्टिस्ट्री सिजन ४ र टिनस्टार नेपालको ग्रान्ड फिनाले सम्पन्न भएको छ । बुधबार क्रिसमसको अवसरमा क्लियोपेट्रा इभेन्टसको आयोजनामा उक्त इभेन्ट भएको हो ।
विभिन्न विधामा भएको फिनालेबाट मिस टिन आर्टिस्ट्रिको बिजेता नुम्सा लिम्बु, मिस आर्टिस्ट्री जुनियरमा रोविसा सुवेदी विनर भएकी छन् । प्रि टिन क्याटोगरीमा डिजायर नेपाल बनेका छन् ।
यस्तै सिनयर क्याटोगरिमा अम्लेङ्ना सम्बाहाम्फे भएकी छिन् भने टिन स्टार नेपालको ट्रफि तदीन खत्रिले हात पारेकी छिन् । टिनस्टार नेपाल जुनियर क्याटोगरिमा जिनिसा न्यौपाने र पब्लिक चोईस विनरमा जेसिका निरौला रहेकी छिन ।
बिजेता मध्ये सबैभन्दा धेरै अंक ल्याउने नुम्सा लिम्बु र पब्लिक चोइस विनर जेसिका निरौलाले थाईल्यान्डमा हुने टिनस्टार ईन्टरनेसनल प्रतियोगितामा नेपालको तर्फबाट प्रतिनिधिन्व गर्न पाउने आयोजकले जनाएको छ ।
क्लियोपेट्रा इभेन्टसले हरेक बर्ष १९ वर्ष मुनिका बालिकाहरूको प्रतिभा तथा क्षमता विकासका ईभेन्टको आयोजना गर्दै आएको छ । यस सिजनमा झापाका विभिन्न विद्यालयका १६५ जना प्रतियोगीहरूले भाग लिएका थिए । अडिसन राउन्ड हुँदै विभिन्न चरण पार गरेर उत्कृष्ट ४५ प्रतिभाहरू फिनालेमा पुग्न सफल भएका थिए ।
पुर्वका सफल मोडल तथा इभेन्ट अर्गनाइजेसनका रुपमा स्थापित भएका इभेन्ट संचालक प्रवीण पाठकले उक्त मिस आर्टिस्ट्री सिजन ४ को करिब दुई महिनाको प्रशिक्षण प्रदान गरिएको छ । उनले कार्यक्रम सोचे भन्दा र अघिल्लो सिजन भन्दा थप रोचक र आकर्षणमय भएको बताए । क्रिसमसे साथै आफ्नो जन्मदिनको अवसर पारेर १० गते क्रिसमसडेमा उक्त प्रतियोगिताको फाइनल कार्यक्रम सम्पन्न भएको उनले बताए ।
दमककी उपमेयर रेगिना भट्टराई प्रसाईको प्रमुख अतिथिमा सम्पन्न उक्त कार्यक्रममा मिस्टर इन्डीया आकास प्रधानन, मिस्टर नेपाल सन्तोस लक्सम, त्यसैगरी सिक्किमका निकै सफल मोडलहरु समेत जर्ज र मुख्य आकर्षणका रुपमा उपस्थिति रहेको थियो । निकै नै भव्य र सभ्य रुपमा सम्पन्न भएको इभेन्टमा प्रतियोगीहरुका अभिभावकहरुको समेत राम्रो उपस्थिति रहेको कार्यक्रम संचालक पाठकले बताए ।