काठमाठाैं।  पाँचथरकाे लिम्बु कुलमा जन्मिएका सामाजिक, शालीन तथा बौद्धिक व्यक्ति खगेन्द्र जबेगु शनिबार राति कोरोना भाइससंग हार स्विकार गर्दै संसारबाट विदा लिएका छन् ।

काठमाडौंको थापाथलीस्थित नर्भिक अस्पतालमा उपचारको क्रममा ६९ वर्षको उमेरमा उनको निधन भएको हो ।

अस्वस्थ्य भएपछि जबेगुलाइ यहि कात्तिक ८ गते अस्पताल भर्ना गरिएको थियो ।

सुरुमा बलम्बुस्थित सशस्त्र प्रहरी अस्पतालमा भर्ना गरिएपनि असहज भएपछि उनलाई नर्भिक अस्पतालमा सारिएको थियो ।

शालीन र बौद्धिकता मात्र नभएर आकर्षक शारीरिक बनावट समेत भएका जबेगु लिम्बु समुदायको पहिलो कलाकार समेत हुन् । उनले ‘जीवन रेखा’ नामक नेपाली चलचित्रमा अभिनय गरेका थिए ।

पाँचथर पुख्यौली घर भएपनि पछिल्लो समय काठमाडौं घट्टेकुलो निवासी जबेगु विभिन्न सामाजिक संस्थाहरुमा अाबद्द रहेर पहिचानको आन्दोलनमा जोडिएका थिए ।

उनकाे अाइतबार नेपाली सेनामार्फत दाहसंस्कार आजै गरिने छ । कोरोना संक्रमितको मृत्यु भए दाहसंकार सेनाले गर्दै आएको छ ।

जबेगुको निधनप्रति सामाजिक सञ्जाल मार्फत विभिन्न व्यक्तिहरुले श्रद्धाञ्जली अर्पण गर्दै दुःख व्यक्त गरेका छन् ।