पाँचथर। लिम्बू कल्चर समेटिएको गीत ‘च्याङ धुम च्याङ’ सार्वजनिक भएको छ । मंगलबार युमा अार्टकाे यु–ट्युबमार्फत सार्वजनिक भएको हाे ।

उक्त गीत अग्नी लावतीले लेखेका हुन् भने संगीत आङखेवा लिम्बूको संगीत रहेको छ । यस गीतमा अग्नि लावती र सुनिता थेगिमको स्वर रहेको छ ।

संगीत आङखेवाकै निर्देशन रहेको गीतको भिडियोमा अग्नी र रेन्सा आङखेवा लिम्बूले मुख्य अभिनय गरेका छन् । रेन्साले यसै भिडियोमार्फत मोडलिङमा डेब्यू गरेकी हुन् । सुमन तामाङले खिचेको भिडियोमा सुस्मिता आङखेवा लिम्बू, देवेन्द्र लावती र विष्णु आङखेवाको पनि अभिनय हेर्न सकिन्छ ।

‘च्याङ धुम च्याङ’ गीतको यो भिडियोलाई पाँचथरको कुम्मायककाे यासोक बजार लगायत स्थानहरूमा छायाँकन गरिएको हो । भिडियोमा लिम्बू समुदायको विवाह संस्कार सँगै नाच्ने परम्परालाई कलात्मक रूपमा प्रस्तुत गर्ने प्रयास गरिएको छ ।

(भिडियाे तल हेर्नुहाेस्)