अब्बास मियाँ संघीय मञ्चको केन्द्रीय सदस्यमा मनोनित

,   लिम्बुवान न्युज
                       

सुनसरी। सुनसरी भोक्राहा गाउँपालिकाका समाजसेवी मुस्लिम नेता अब्बास मियालाई संघीय लोकतान्त्रिक राष्ट्रिय मञ्चले केन्द्रीय सदस्यमा मनोनित गरेको छ । आज सुनसरीको भरौल नडाहामा मञ्च तथा संघीय लिम्बुवान मञ्च, नेपाल सुनसरी जिल्ला समितिले भेटघाट तथा अन्तरक्रिया कार्यक्रम शुरु गरेको घोषणा कार्यक्रमका प्रमुख अतिथि संघीय अध्यक्ष कुमार लिङ्देन मिराकले मञ्चको परिचयपत्र हस्तान्तरण गरेसँगै मियाँलाई केन्द्रीय सदस्यमा मनोनित गरिएको हो ।

लामो समय देखि पहिचान, संघीयता र मुश्लिम समुदायको हकअधिकारको निमित्त निरन्तर लढिरहेका मियाँको लिम्बुवान राजनीति प्रतिको इमानदारी र बफादारीतालाई मूल्याङ्कन गर्दै केन्द्रीय सदस्यमा मनोनित गरिएको मञ्चका सुनसरी जिल्ला अध्यक्ष अमर इजमले बताए ।

सोही भेटघाट तथा अन्तरक्रिया कार्यक्रमलाई मञ्चका संघीय अध्यक्ष कुमार लिङ्देन मिराकले उद्घाटन गर्दै वर्तमान राजनीतिमा भईरहेको क्षणक्षणको परिवर्तनले संघीय लोकतान्त्रिक गणतन्त्र खतरामा परेको बताउँदै सरकारले राजनैतिक दल सम्बन्धी अध्यायदेश ल्याउने तयारीसँगै देशमा ठूलो राजनीति परिवर्तन हुने संकेत सँगै देश खतरामा परेको बताएका छन् । ‘सत्तारुढ दल नेकपा र प्रमुख प्रतिपक्षी दल नेपाली कांग्रेसले देशलाई वर्वादीतिर धकेली रहेको हुँदा अब जनता चुप लागेर बस्न नहुने’ –उनले भनेका छन् ।

कार्यक्रममा मञ्चमा उपाध्यक्ष अम्बर बहादुर लिम्बु, सचिवहरु राजु राई, सुनसरी इन्चार्ज एवं सचिव भुपेन्द्रसुन्दर लावती, पूर्णकला तेयुङ्, यूके प्रवास प्रवक्ता नवराज काम्बाङ्, जिल्ला अध्यक्ष अमर इजम लगायतका नेताहरुको समेत उपस्थिति रहेको थियो ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;