काठमाडौ। काठमाडौ अनामनगर स्थित बिहानी क्याफेमा युथ ग्रुप नेपालले पत्रकार सम्मेलन मार्फत “सयौ जुनि भएपनि” नामक गीतको रिलिज गरिएको छ । क्यानाडामा निर्माण गरिएको उक्त गीत आज एक कार्यक्रम बिच भब्य सो गरेर गीत सार्वजनिक गरिएको हो ।

कार्यक्रममा अग्रज पत्रकार कुमार ओझाको प्रमुख आतिथ्य रहेको थियो भने युथ ग्रुप नेपालको सल्लाहकार रन्जन लिम्बुको सभापतिमा कार्यक्रम सम्पन्न भएको हो । कार्यक्रममा बोल्दै प्रमुख आतिथि कुमार ओझाले मोडल पञ्च सेर्माको अभिनयको चर्चा गरेका छन ।

पुष्प राज बरालको शब्द संगीत रहेको गीतलाई मेलिना राई र पुष्प राज बरालले स्वर दिएका छन । भिडियोमा पञ्च सेर्मा लिम्बू र भिपिनले अभिनय गरेका छन भने यसलाई छायांकन, सम्पादन र निर्देशन ईश्वर थापाको रहेको छ । टेक्निकल सपोर्ट गोबिन्द नेपाल र पुष्कर भट्टले गरेका छन । भिडियोको पोष्टर सुदिप सर्माले बनाएका हुन् भने भिडियोलाई सेवारो युवटुब मार्फत सार्बजनिक गरिएको छ ।

भिडियोलाई युथ ग्रुप नेपालको सहकार्यमा निर्माण गरिएको हो । युथ ग्रुप नेपालले आयोजना गरेको पत्रकार भेटघाट तथा चियापान कार्यक्रममा प्रबन्ध निर्देशक अशोक छेत्रीले मोडल पञ्च सेर्माको अभिनयको प्रशंसा गरेका थिए ।

उक्त कार्यक्रम मार्फत निर्देशक छेत्रीले “एउटा फुल” नामक नेपाली चलचित्र निर्माणको समेत घोषणा गरेका छन । हाल धमाधम अडिशन लिन थालिएको जानकारी समेत उनले दिए ।

(भिडियाे सहित)