दमक। झापा दमकको पृथ्वी माविमा लिम्बु भाषा शिक्षक प्रतिस्पर्धाबाट छनौट गरिएको छ । नगरपालिका वडा नंं. ७ मा रहेको पृथ्वी माविमा लिम्बु भाषा शिक्षक नगरपालिकाले करारमा नियूक्त गर्ने निर्णय गरेसँगै शिक्षक छनौट गरिएको हो ।

पृथ्बी मा.बि.दमक ७ मा लिम्बु भाषाको माध्यमबाट आधारभुत तह कक्षा १ देखि ५ सम्मको शिक्षण शिकाईको लागि संचालित शिक्षक छनौट परीक्षामा दिपेन्द्र सेलिड छनौट भएका छन् ।

भाषा शिक्षकको लागि ४ जना शिक्षकले प्रतिष्पर्धा गरेका थिए । वैकल्पिक शिक्षकको रुपमा खेसे खजुम राई छानिएका छन् । छनौट परीक्षा लिम्बु भाषा बिज्ञहरु आदरणीय डकेन्न्द्र सिंह लिम्बु र दिलबिर शेर्माले लिनुभएको थियो भने अन्तरवार्ता विद्यालय व्यवस्थापन समिति अध्यक्ष भिम पौडेल, प्रधानाध्यापक विष्णु कुमार राइ, दमक नगरपालिका शिक्षा, युवा तथा खेलकुद शाखा अधिकृत सोमनाथ गुरागाई त्यसैगरी किरात याक्थुङ् चुम्लुङ् दमक नगरसमिति अध्यक्ष देवेन्द्र चेम्जोङ्ले लिनुभएको थियो ।
छनौट भएको शिक्षकलाई प्रावि तहको तलबभत्ता नगरपालिकाबाट दिईन शिक्षा शाखा अधिकृत गुरागाईले बताए ।