काठमाडौं। प्रतिनिधिसभा विघटनको विरोधमा प्रमुख विपक्षी दल नेपाली कांग्रेसले आन्दोलनको कार्यक्रम घोषणा गरेको छ ।

आज बसेको कांग्रेसको केन्द्रीय समिति बैठकले पुष २५ देखि माघ ८ गतेसम्म १६५ वटै निर्वाचन क्षेत्रदेखि वडा तहमा विरोध प्रदर्शनको कार्यक्रम घोषणा गरेको हो ।

केन्द्रीय सदस्य प्रदीप पौडेलका अनुसार पुष २५ गते ७ प्रदेशको ३३० वटा प्रदेश निर्वाचन क्षेत्रमा नेपाली कांग्रेसले विरोध प्रदर्शन गर्ने बताएका छन् । त्यसपछि माघ ३ गते ७५३ वटै स्थानीय तहमा र माघ ८ गते ६७४३ वटै वार्डमा प्रदर्शनको कार्यक्रम गर्ने निर्णय भएको उनले बताए ।

ओलीको असंवैधानिक कदमले प्रतिनिधिसभा विघटनको विरोधमा उत्रिन कांग्रेसले आम कार्यकर्ताहरुलाई आव्हान गरेको छ ।