तेह्रथुम। तेह्रथुमको आठराई गाउँपालिकामा आदिवासी जनजाति समन्वय परिषद गठन भएको छ । आज आठराईको संक्रान्तिबजारमा आयोजित एक कार्यक्रममा मृगेन इङ्नामको अध्यक्षतामा समन्वय परिषद गठन भएको हो ।

उक्त कार्यक्रमले परिषदको उपाध्यक्षमा तिल बहादुर गुरुङ् र झलक मगर, सचिवमा विप्लव श्रेष्ठ, सह–सचिवमा द्वय पंकज खवास र सपना तुम्बाहाम्फे, कोषाध्यक्षमा पदममाया तामाङ्, सह–कोषाध्यक्षमा महेन्द्र विक्रम राई लगायत २१ सदस्यीय परिषद समिति गठन भएको छ । उक्त कार्यक्रममा वलदेव तुम्बाहाम्फे, कमला फोम्बो, गणेश सेनेहाङ् र तेजमान कन्दङ्वा लगायतका बुद्धिजिवी तथा समाजसेवीहरुको उपस्थिति रहेको थियो ।

समन्वय परिषदको अध्यक्षमा निर्वाचित इङ्नाम संघीय लिम्बुवान मञ्च, नेपालका केन्द्रीय सदस्य समेत हुनुहुन्छ ।