दमक। गजलकार सीता पिरतीले अन्तर्राष्ट्रिय अनलाइन याक्थुङ गजल प्रतियोगिताको प्रथम पुरस्कार हात पारेकी छन् । याक्थुङ्ग आर्ट एण्ड लिट्रेचरद्वारा “याक्थुङ भाषा, साहित्य, कला, विकास संरक्षणका लागि हाम्रो अभियान” भन्ने मूल नाराका साथ आयोजना गरिएको ‘अन्तर्राष्ट्रिय अनलाईन याक्थुङ्ग गजल प्रतियोगिता २०७७’ को नतिजा शनिबार सार्वजनिक गरेको छ ।

मधु केरुङ्ग केवाफुङ र प्रेम दिप थाम्सुहाङ निर्णायक रहेको उक्त गजल प्रतियोगितामा सिता पिरती प्रथम हुँदै नगद ३० हजार हात परेकि छन् । त्यसैगरी मच्छिन्द्र लोवा सेमी द्वितीय र लक्ष्मीमाङ चेम्जोङ तृतीय बनेका छन् भने मन कुमार तुम्रोकले सान्त्वनामा नै चित्त बुझाएका छन् । प्रतियोगीतमा द्वितिय पुरस्कार २० हजार रुपैयाँ, तृतीय १० हजार र सान्त्वना हुनेले ५ हजार रुपैयाँ प्राप्त गरेका छन् ।

कार्यक्रम आयोजकले लेकाली कान्छा मुकुम, लोकेन्द्र देवान अशिम, लक्ष्मी नेम्बाङ, हेम सेमेक्वा , के.बी. किराती, श्याम तुफान, शुक्र आङ्देम्बे, जबेगु राज सानु र कुमार कान्छा जेकेलाई सम्मान गरेको जनाएको छ ।

जम्मा ५३ जना प्रतिस्पर्धीहरुको सहभागीता रहेको उक्त प्रतिस्पर्धालाई तीन चरणमा सहभागी गराईएको थियो । पहिलो तुम्बुङ्दिङ चरण, दोस्रो इक्सादिङ चरण र तेस्रो तथा अन्तिममा तरङ्दिङ ताङ्साङ चरण बाट विजयी घोषणा गरिएको निरर्णयक मधु केरुङ् केवाफुङ्ले बताए ।

याक्थुङ आर्ट एण्ड लिट्रेचरद्वारा “याक्थुङ्ग भाषा, साहित्य, कला, विकास संरक्षणका लागि हाम्रो अभियान” नामक नारा दिई संचालन गरिएको यस कार्यक्रमका संयोजक जनम लिङदम हाङसा र इन्दीरा नेम्बाङ् रहेका छन् ।