फेदेन। संघीय लोकतान्त्रिक राष्ट्रिय मञ्च अन्तर्गतको संघीय लिम्बुवान मञ्च, नेपाल पान्थरको जिल्ला अधिवेशन फागुन दोस्रो सातामा हुने भएको छ ।
आज फान्दरको फिदिममा पत्रकार सम्मेलनको आयोजना गर्दै अधिवेशन फागुनको १४, १५ र १६ गते फिदिममा गर्ने जनाइएको हो ।

गत साल नै अधिवेशन गर्ने तय भएता पनि अधिवेशन कोरोना महामारीले पर सरेको थियो । पत्रकार सम्मेलनमा अधिवेशनबारे जानकारी दिँदै कार्यवाहक अध्यक्ष चन्द्रराज आङदेम्बेले यो पटक सबै तयारी गरेर अधिवेशन सक्नेछौ बताएका छन् ।

अधिवेशन तयारीका लागि पुस २९ र माघ १ गते बसेको बैठकले निणर्य लिएको थियो । अधिवेशनका लागि गाउँपालिका र नगरपालिकाबाट ५/५ जना प्रतिनिधि, ३/३ जना पर्यवेक्षक र सबै वडाहरुबाट २/२ जना प्रतिनिधि र एक/एक जना पर्यवेक्षक सहभागी हुने पत्रकार सम्मेलनमा बितरित प्रेस बिज्ञप्तिमा उल्लेख गरिएकाे छ ।

पत्रकार सम्मेलनमा मञ्चका प्रन्तीय महासचिव संगम खनाल, महिला नेतृ सुनिता केरुङ, जिल्ला नेता मधु केरुङ्, विद्यार्थी नेता नुनाम केरुङ्, लगायतको उपस्थिति रहेको थियो ।