मिक्लाजुङ। मुसाहाङ बंश उत्थान प्रतिष्ठान जिल्ला शाखा समिति पान्थरको चौथो जिल्ला अधिबेशन सम्पन्न भएको छ । पान्थरको मिक्लाजङ गाउँपालिका वडा नम्बर ८ दुर्दिम्बा(तुरीतेम्बे) पिन्द्रुक्वाबुङमा अधिवेशन सम्पन्न भएको हो ।

धर्मदेबी नगरपालिका १ नं. वडा प्रतिनिधि सदस्य तथा प्रतिष्ठान पुर्ब केन्द्रीय सदस्य नारायण मुसाहाङ लिम्बूको प्रमुख आतिथ्यता रहेको अधिबेशनले आयुष मुसाहाङको अध्यक्षतामा ७ सदस्यीय समिति चयन गरेको छ ।

उपाध्यक्षमा सरिमाया मुसाहाङ, सचिवमा काली प्रसाद मुसाहाङ, सह–सचिवमा जेन्टल मुसाहाङ र कोषाध्यक्षमा रामकुमार मुसाहाङ निर्वाचित भएका छन् । त्यसैगरी सदस्यहरुमा छबिलाल मुसाहाङ र उत्तरकुमार मुसाहाङ्लाई चयन गरेको छ ।

अधिबेशनमा कार्यक्रमका प्रमुख अतिथि जनप्रतिनिधि वडा सदस्य नारायण मुसाहाङ्लाई सम्मान पत्रद्वारा सम्मान गरिएको थियो । कार्यक्रममा प्रतिष्ठानका केन्द्रीय उपाध्यक्ष रामप्रसाद मुसाहाङ, महासचिव मुसाहाङ अम्याङसा डिल्लीश्वर, सचिव गोपिराम मुसाहाङ, केन्द्रीय सदस्य माक्लुहाङ मुसाहाङ लगायतले शुभकामना मन्तव्य राखेका थिए ।

मुसाहाङ बंश उत्थान प्रतिष्ठान जिल्ला शाखा समिति अध्यक्ष मुकुन्द मुसाहाङको अध्यक्षतामा सम्पन्न भएको थियो । जिल्ला उपाध्यक्ष भिमकुमारी मुसाहाङले स्वागत मन्तव्य राखेकी थिइन् भने कार्यक्रम संचालन सचिब आयुश मुसाहाङले गरेका थिए ।